تعرض الشاعر أيمن بهجت، لحملة رفض قرار إعلان اعتزاله التأليف الموسيقي، من قبل صناع المزيكا سواء الشعراء أو الملحنين، مؤكدين أنه واحدًا من أهم أعمدة الموسيقى في مصر والوطن العربي. وكان أيمن بهجت قمر قد أعلن أمس عبر صفحته ب«فيسبوك» إعلان اعتزاله قائلا: «بقالي فترة مش صغيرة بفكر جديًا في اللي هقوله دلوقتي أنا قررت أن أغنية (مهرجان) هي آخر أغنية أنا هكتبها وخلاص هعتزل تأليف الأغاني.. هكتب أفلام، مسرح، مسلسلات، لكن خلاص هبعد عن مجال الموسيقى هنتج بس.. أنا بقالي 28 سنة بكتب أغاني وطول الوقت في توتر وضغوط عاصرت أجيال كتير من 1992 لحد دلوقتي وخلاص قررت ارتاح من السبق ده.. أنا أسف مش هرد على أي زميل يتصل بيا عشان محدش يأثر عليا». والسؤال هنا.. هل يتراجع أيمن بهجت قمر عن قرار اعتزال؟، وذلك بعد مطالبة صناع الموسيقى على رأسهم الهضبة عمرو دياب هذا القرار التراجع عن الاعتزال، بعدما استقبل الهضبة هذا الخبر بصدمة، خلال مداخلة هاتفية أجراها مع الإعلامي عمرو أديب في برنامج "الحكاية"، وقال: "كان أول تعاون مع أيمن بهجت قمر في أغنية (ولسة بتحبه يا قلبي) عام 1998، وأخر أغنية تعاونا فيها كانت "مهرجان" وقبلها "بحبه"، مضيفا بأن أيمن بهجت قمر واحدا من أفضل الشعراء الذين جاءوا في ال20 عامًا الماضية.. وأيمن بهجت قمر شاعر مش سهل وشخص ناجح ..وأعتقد أن الخبر غير صحيح، ودائما أقول له متغيبش عنا كتير لأننا بنفتقدك.. والكلمة اللي بيقولها مبتفارقش ودن الناس.. وغنيت في حفلي الأخير بالكويت أغانيه والناس كلها بتغنيها". وأعلن الكثيرين من الشعراء والملحنين رفضهم اعتزال أيمن بهجت قمر، مؤكدين أن هذا القرار ليس قراره وحده، لأنه ملك الشعب المصري الذي يحتاج أغانيه في الفترة المقبلة، وترصد «بوابة أخبار اليوم» ردود أفعال عدد منهم ورسائل وجهوها للشاعر المعتزل وهو ما نرصده في السطور التالية: - تامر حسين: مش بمزاجك كتب الشاعر تامر حسين تعليقا على هذا القرار: "مش بمزاجك حضرتك احنا لينا فيك والله ما بهزر ولا بأجاملك وبنكبر أكتر وأنت معانا في أي ألبوم وأنت أثرت وسبت نجاحات وعلامات في قلوب كل اللي بيحبوك وكل زمايلك والتوتر والضغط رغم صعوبتهم النفسية النجاح بينسي كُل ده مفيش راحة يابو بهجت". - أحمد المالكي: فنك بيمتع الناس ودايما مستنينه كان تعليق الشاعر أحمد المالكي: "الخبر ده اتسبب في نفس الضيق اللي حسيناه كأهلاوية يوم اعتزال أبوتريكة.. من بعده الكورة عندنا ملهاش طعم.. بس لاعيب الكورة لازم يبطل في سن معين.. لكن الموهوبين قوي اللي زيك لازم يستمرو طول العمر لأن فنك بيمتع الناس ودايما مستنينه.. الضغط كبير فعلا بس أنت الكبير ودايما قدها وفضهرنا كلنا.. كل الناس بتحبك يأبو بهجت ومستنين ترجع في القرار ده بأذن الله". - الشاعر صابر كمال: الفن محتاجلك يا أستاذ وقال الشاعر صابر كمال: "ما ينفعش يا أستاذ، الفن محتاجك جدًا بالذات في التوقيت ده، عارفين ومقدرين حجم الضغوطات والإرهاق والتعب البدني والذهني، بس أغاني من غير أيمن بهجت قمر هيبقى في حاجة غلط، أتمنى تعيد نظر، أنت في قمة عطائك، وربنا يقويك ويعينك". - بلال سرور: المرحلة محتاجاك وجه الملحن بلال سرور رسالة لأيمن بهجت قامر قائلا: "خد بريك ماشي.. اكتب لما تعوز بس ماشي.. بس لسه عندك كتير للناس.. والمرحلة محتاجاك.. مش موافقين يا أبو بهجت". - أحمد حسن راؤول: مابقتش ملك نفسك وقال الشاعر أحمد حسن راؤول: "أنا أسف يا أستاذ أيمن بس حضرتك بعد السنين دي مابقتش ملك نفسك.. حضرتك ملكنا كلنا.. القلم اللي عشناه معاه الحب والجرح والوطن والفرحة ماينفعش في لحظة يتقصف..احنا اتعلمنا منك.. وهنفضل نتعلم منك.. والفن عمره ما كان سبق.. الفن بناء وكل واحد بيحط طوبة عشان نعمل شكل لبلدنا.. وحضرتك من ضمن أساس المبنى ده.. فمتخليهوش يقع.. مبقاش بمزاجك". - شادي نور: ماينفعش وكان تعليق الشاعر شادي نور: "ماينفعش انا والله مقدر كل اللي مخليك تقول كدة وتقرر كدة بس ولا أنت هترتاح كدة لان دة انت ولا احنا.. ولو أقدر أقول اقتراح خلى قرارك الشغل الفترة اللي جاية بمزاجك بس وهو دة المطلوب أصلا لأن دة اللى هيمزجنا.. وربنا يخليك لينا مبدع في الأغاني والسينما والمسلسلات والمسرحيات والإعلانات وكل اللي بتحب تعمله".
