«اسمي منة الله من محافظة سوهاج بلعب جمباز من 5 شهور، وبحلم أكون مدربة جمباز.. بتمرن ف الشارع والناس بتقولي كلام جميل أوي وبتحبني، بدرس في سنة أولى ابتدائي وبتمرن 4 أيام في الأسبوع مع الكابتن وبستحمل تمرين صعب علشان نفسي أكمل الرياضة دي وادخل بطولة ممكن تشجعوني، عاوزة حد يقدملي الدعم من البلد علشان أقدر أكمل وأوصل لحلمي واتعلم.. وأمنية حياتي أقدم في برنامج - Arabs Got Talent - وهقدم فيه إن شاء الله».. هكذا تحدثت الطفلة منة ذو ال6 سنوات، عن حلمها، وممارستها لرياضة الجمباز، التي تتخذ منها موهبة تريد أن تنشرها بين الناس. "الشارع" كان مكان منة لعرض موهبتها وإمكانياتها في ممارسة الجمباز، وبالرغم من أن هذه الرياضة غير معروفة نسبيا في محافظتها "سوهاج" إلا أنها استطاعت لفت انتباه أهل مدينتها، حيث أبدوا إعجابهم الشديد بها، بعد تسلقها لأعمدة الإنارة ومشيها على يديها، وعمل حركات دائرية في الهواء. وروى مصطفى زغلول المدرب الخاص بمنة، قصة منة وحلمهما بدخولها بطولات وتحقيق إنجازات في بطولة الجمباز، قائلا: "طول عمرنا بنسمع بلاش البنت تمارس رياضه خطرة، بخاف عليها، هتبقي زي الرجالة، البنت ملهاش غير باليه آو تتعلم على آلة موسيقية .. أقطع كل ده وارميه ورا ضهرك". وتابع: "منة بتتمرن معايا، بتبكي بالنص ساعة قدامى مش بفكر أكون حنين معاها وقت التمرين نهائي، بره التمرين بتعامل معاها كأب، أنا متبنيها وعلى حسب خبرتي البسيطة وصلتها إنها تكون أقوى بنت في مصر". وأكد المدرب مصطفى زغلول، أن نجاح منة في رياضة الجمباز توفيق من الله، حتى يكون بالصعيد موهبة مثل منة، ووصفها بأنها تجمع بين الجمال والقوة والمرونة والقتال، وأنها تنشر ثقافة الجمباز في شوارع سوهاج. ووجه المدرب مصطفى زغلول نصيحة لكل أم وأب بتنمية مواهب أبنائهم وصنع أبطال، مضيفا: "محتاجين راعى ينمي موهبة منة حتى نطور من نفسنا".