عبر رائد الفضاء المصري د.عصام حجي عن استيائه من ما قامت به وزارة التربية والتعليم من حذف سيرته الذاتية من قائمة العلماء المصرين في كتاب التربية الوطنية من مقرر أولى ثانوي. وقال عبر حسابه الخاص على موقع التواصل الاجتماعي "فيسبوك": «و أنا أبحث بذهول في صحة خبر إزالة اسم د.البرادعي من كتاب التاريخ اكتشفت انه تمت إزالة أسمي وسيرتي الذاتية أيضا من قائمة العلماء المصرين في كتاب التربية الوطنية من مقرر أولى ثانوي. كل الشكر و التقدير للزملاء القائمين على تطوير التعليم في بلدنا الغالية و عسى ان تكون هذه الخطوة هي المساهمة المنتظرة في مجال تحسين المناهج». ورد عليه بعض متابعيه على صفحته بموقع " الفيس بوك " منهم المعارض له ومنهم المتفق معه. فقال أية طنطاوي " لا بجد ما تزعلش يا دكتور عشان مفيش بني آدم في مصر بيفتح كتاب التربية الوطنية أصلا احنا عارفين حضرتك ومش مستنينهم يتكلمو عنك ". وقال محمد أحمد " متزعلش يا دوك الناس دول ميعرفوش قيمة الناس اللى زى حضرتك مبيقدروش العلم فلا تحزن يا دكتور عصام فااهم حاجة فى البلد ركلة كرة قدم او راقصة لكى تكرم ". وقال مصطفى محمد " طيب والله محظوظين اهو ما يتذكرش اسمكم فى الفترة السوده دى تيجوا ايه فى اختراع الكفته ولا استخراج الاسمنت من شجر الموز ". وقال محمد دافنشي " قيمتك ومكانتك محفوظة في عقولنا مش فى الكتب المتخلفة بتاعت الوزارة ،،، كل الشكر والتقدير ليك يا دكتور ". فيما عارضه البعض فقالت ايام سداتي " مشكلتكم ان عمرنا ما حسينا انكم زعلانين ومحروقين عشان البلد.. انتو محروقين عشان السجادة أتسحبت من تحت رجليكم والمصلحة مبقتش معاكم.. احنا فعلا شفنا ان ازاي ربنا ينزع الملك من حد بعد ماخلاص يبقي اتمكن منه.. انتم مكنش عندكم اخلاص عشان تتوفقوا اصلا... وعشان الزياطة.. انا لا انقلبت ولا فوضت ولا سيسي ولا مرسي دوروا ف قلوبكم تاني كده واخلصوا النية يمكن ربنا يهديكم للصواب" وقال أحمد قنديل " مع احترامى لك هناك عظماء من المصريين مثل د.على مشرفة ود. نجيب محفوظ الطبيب النابغة وغيرهم لم يحظوا بنزر يسير فى المناهج المصرية على الرغم مما قدموه للامة المصرية على العكس منك تسخر وتستخف بالاخرين ولا اظن انك قد بلغت مكانة تحسد عليها بعد كما انك لم تقدم عملا فذا بعد يفيد الانسانية ..لا داعى للغرور والعنطزة الكذابة ..قدم بلدك ما يسعد الناس ويساعد البلد على النهوض من وهدتها "
