نشر الفنان أحمد مالك على صفحته الرسمية على بموقع التواصل الاجتماعي "فيس بوك"، اعتذارًا رسميًا لرجال الشرطة، عن فيديو ميدان التحرير الذي نشر أمس. وجاء نص الاعتذار كالآتي:" بعتذر بشده لكل شخص اساءه الفيديو و خاصه الشرطه، الفيديو فعلاً فيه تجاوزات لم اتوقع انها تخرج بره دايره الاصدقاء و ده مش مبرر علي الخطأ، انا عمري عشرين سنه و ساعات في السن ده الافكار المتهوره بتسبق التفكير العقلاني و للأسف الغلطات دلوقتي بقت مسجله و مصوره و ده بيديها عمر و حجم اكبر من حجمها الحقيقي". وأضاف مالك: "دي لحظه تهور و لحظه مش محسوبه و فعلاً ندمان عليها و حاولت مسحها و لكن كنت فوجأت انها انتشرت قبل ما اقدر انقذ الموقف. يمكن الموقف ده كله نابع من احباط عدم القدره علي التعبير عن الرأي اللي جيلي حاسه الايام دي بس برضه ده ميدينيش الحق اني اتجاوز او اعبر عن رأيي بطريقه متجاوزه في حق الآخرين". وتابع: "اكتر حاجه مضايقاني انه هيتم استخدام اللحظه دي لتشويه الثوار و الثوره و مقدرش الوم حد في النقطه دي الا نفسي اللي الاحباط عماها. اتمني من الجميع انهم ميتعاملوش مع اللحظه دي علي انها بتلخصني و يتعاملوا معاها انها لحظه عابره لن تتكرر. مره آخري بعتذر". والجدير بالذكر، أن فيديو يجمع الممثل الشاب أحمد مالك ومراسل برنامج أبلة فاهيتا شادي حسين، يستخدما "واقي ذكري" كبالون أهدوه لرجال الشرطة انتشر على مواقع التواصل الاجتماعي، وأثار غضب عدد كبير من رواد المواقع، وتسبب في تقديم بلاغ ضدهما للنائب العام.