تصاوير إيه وسيلفي إيه إللي إنت جاي تقول عليه،إذا كنت يوم فرحي خليت أبوك يتصور لوحده من كسوفي، وعايزني دلوقتي أتصور مع دكر بط؟ أوعاك تكون فاكر نفسك كبرت علي الضرب؟»،هكذا خاطبتني امي الحبيبة متعها الله بالصحة والعافية وأنا أمسك يدها محاولا نزع السكينة منها لمنعها من ذبح دكر بط أرادت كعادتها أن تستقبلني به في بداية أجازتي بالصعيد.كانت أمي قد أخذت وضع الاستعداد بأن شبكت جناحي دكر البط من خلاف لشل حركته ووضعته تحت باطها الشمال وأمسكت بالزور وهي تتمتم بسم الله الله أكبر قبيل أن تهوي بيدها اليمني التي أمسكت بالسكين،فصرخت فيها قائلا:لااااا بلاش يامه عشان خاطري،فسألتني مندهشة:ليه يابني مش عايزني أدبحلك دكرالبط؟فقلت بدون تردد وصوتي يعلو ويعلو حتي سمعت صدي صوتي. :فاطمة ناعوت بتقول لأ وعباس الضو بيقول لأ،فقالت وهي تمصمص شفتها:انت لسه فاكر عباس الضو بتاع المال والبنون؟ياما حذرتك من المسلسلات إللي لحستلك دماغك دي،آه ياخيبة أملي فيك،وبعدين مش مكفيك إنك سايبنا وقاعد في بحري لا وكمان راجع تغلط في أمك وتقولي ناعوت؟فقلت بسرعة:ينقطع لساني لو غلطت فيكي يامه،ناعوت ده اسم واحدة شاعرة وكاتبة كبيرة بتقول كلام يشفي العليل ومن كام يوم قالت بوقين فوقوني وخلوني أحس بالجريمة اللي كل شوية كنتي بترتكبيها وانا باتفرج،تقدري يامه تقوليلي إزاي بيهون عليكي تدبحي البط كده، مفكرتيش انك بتدمري اسرة بحالها؟ تفتكري ولاده هيعملوا إيه،ولا مراته ممكن تواجه الحياة إزاي؟يعني يامه بدال ماتمسكي موبايلك وتتصوري سيلفي مع البط البريء ده عايزة تدي لنفسك الحق انك تنهي حياته؟ نظرت لي امي نظرة شك وريبة وبدا عليها الهلع وهي تقول:: تصاوير إيه وسيلفي إيه إللي إنت جاي تقول عليه،إذا كنت يوم فرحي خليت أبوك يتصور لوحده من كسوفي،يعني أبقي عمري ماتصورت مع أبوك شخصياً وعايزني دلوقتي أتصور مع دكر بط؟ثم ماحنا طول عمرنا بندبح وناكل وننبسط،انت ياواد ناسي زمان لما كنت بتقفش الفرخة من دول وتجيلي وهي بتفرفر بين ايديك تقولي اعمليلي دي أتعشي بيها؟مالك بقيت طري زي عيال بحري وجاي تقولي أبصر إيه ناعوت وسيلفي وكلام غريب من بتاع اليومين دول؟ يامه ده كلام الناس الرقيقة إللي بتفهم في الإنسانية،الست بتقول إن الناس في العيد بترتكب جريمة شنعاء علشان بتدبح كائنات ملهاش أي ذنب ومن غير رحمة،فقالت امي: واضح ان الست زعلانة علي المدابح اللي بتحصل للمسلمين في بلاد بره،فقلت:لا يامه الست ناعوت مجابتش سيرة دبح الناس وكلامها كان واضح ومحدد هي زعلانة علي نحر الخرفان والبهايم يوم العيد؟فسألتني مندهشة:طب وهي الست ناعوت باقي أيام السنة بتاكل إيه؟ فقلت:تلاقيها نباتية يامه يعني مش بتاكل لحوم،مافتكرش ست بالرقة دي ممكن تحط في بقها حتة لحمة ولا تلغوص إيديها مثلا بصوباع مومبار ولا حتة فشه،فقالت امي:ماهي ناعوت لو كانت بتعمر دماغها بحتتين لحمة ماكنتش قالت الكلام الفارغ ده،اومال لو عرفت ان أبوك مش بيستمتع بحاجة قد الكوارع ولحمة الراس كانت طالبت باعدامه ولا إيه؟ فقلت بحزم:بصي بقي احنا لازم نريح الست ونبطل التخلف ده بقي،فإذا بأمي تلقي السكينة من يدها وتسحب الخيرزانة وهي تقول:امشي ياد العب بعيد أحسنلك،أديك كنت هتنسيني أسقي دكر البط قبل مادبحه،ثم ملأت فمها بالماء وفتحت فم البط وأفرغته فيه وبحركة واحدة سريعة هللت وكبرت وذبحته وهي تدندن برائعة الخال الأبنودي: قالوا علينا ديابة واحنا ياناس غلابة،وألقت به في حلة مملوءة بماء مغلي استعداداً لنتف ريشه ولا عزاء لفاطمة ناعوت! تصاوير إيه وسيلفي إيه إللي إنت جاي تقول عليه،إذا كنت يوم فرحي خليت أبوك يتصور لوحده من كسوفي، وعايزني دلوقتي أتصور مع دكر بط؟ أوعاك تكون فاكر نفسك كبرت علي الضرب؟»،هكذا خاطبتني امي الحبيبة متعها الله بالصحة والعافية وأنا أمسك يدها محاولا نزع السكينة منها لمنعها من ذبح دكر بط أرادت كعادتها أن تستقبلني به في بداية أجازتي بالصعيد.كانت أمي قد أخذت وضع الاستعداد بأن شبكت جناحي دكر البط من خلاف لشل حركته ووضعته تحت باطها الشمال وأمسكت بالزور وهي تتمتم بسم الله الله أكبر قبيل أن تهوي بيدها اليمني التي أمسكت بالسكين،فصرخت فيها قائلا:لااااا بلاش يامه عشان خاطري،فسألتني مندهشة:ليه يابني مش عايزني أدبحلك دكرالبط؟فقلت بدون تردد وصوتي يعلو ويعلو حتي سمعت صدي صوتي. :فاطمة ناعوت بتقول لأ وعباس الضو بيقول لأ،فقالت وهي تمصمص شفتها:انت لسه فاكر عباس الضو بتاع المال والبنون؟ياما حذرتك من المسلسلات إللي لحستلك دماغك دي،آه ياخيبة أملي فيك،وبعدين مش مكفيك إنك سايبنا وقاعد في بحري لا وكمان راجع تغلط في أمك وتقولي ناعوت؟فقلت بسرعة:ينقطع لساني لو غلطت فيكي يامه،ناعوت ده اسم واحدة شاعرة وكاتبة كبيرة بتقول كلام يشفي العليل ومن كام يوم قالت بوقين فوقوني وخلوني أحس بالجريمة اللي كل شوية كنتي بترتكبيها وانا باتفرج،تقدري يامه تقوليلي إزاي بيهون عليكي تدبحي البط كده، مفكرتيش انك بتدمري اسرة بحالها؟ تفتكري ولاده هيعملوا إيه،ولا مراته ممكن تواجه الحياة إزاي؟يعني يامه بدال ماتمسكي موبايلك وتتصوري سيلفي مع البط البريء ده عايزة تدي لنفسك الحق انك تنهي حياته؟ نظرت لي امي نظرة شك وريبة وبدا عليها الهلع وهي تقول:: تصاوير إيه وسيلفي إيه إللي إنت جاي تقول عليه،إذا كنت يوم فرحي خليت أبوك يتصور لوحده من كسوفي،يعني أبقي عمري ماتصورت مع أبوك شخصياً وعايزني دلوقتي أتصور مع دكر بط؟ثم ماحنا طول عمرنا بندبح وناكل وننبسط،انت ياواد ناسي زمان لما كنت بتقفش الفرخة من دول وتجيلي وهي بتفرفر بين ايديك تقولي اعمليلي دي أتعشي بيها؟مالك بقيت طري زي عيال بحري وجاي تقولي أبصر إيه ناعوت وسيلفي وكلام غريب من بتاع اليومين دول؟ يامه ده كلام الناس الرقيقة إللي بتفهم في الإنسانية،الست بتقول إن الناس في العيد بترتكب جريمة شنعاء علشان بتدبح كائنات ملهاش أي ذنب ومن غير رحمة،فقالت امي: واضح ان الست زعلانة علي المدابح اللي بتحصل للمسلمين في بلاد بره،فقلت:لا يامه الست ناعوت مجابتش سيرة دبح الناس وكلامها كان واضح ومحدد هي زعلانة علي نحر الخرفان والبهايم يوم العيد؟فسألتني مندهشة:طب وهي الست ناعوت باقي أيام السنة بتاكل إيه؟ فقلت:تلاقيها نباتية يامه يعني مش بتاكل لحوم،مافتكرش ست بالرقة دي ممكن تحط في بقها حتة لحمة ولا تلغوص إيديها مثلا بصوباع مومبار ولا حتة فشه،فقالت امي:ماهي ناعوت لو كانت بتعمر دماغها بحتتين لحمة ماكنتش قالت الكلام الفارغ ده،اومال لو عرفت ان أبوك مش بيستمتع بحاجة قد الكوارع ولحمة الراس كانت طالبت باعدامه ولا إيه؟ فقلت بحزم:بصي بقي احنا لازم نريح الست ونبطل التخلف ده بقي،فإذا بأمي تلقي السكينة من يدها وتسحب الخيرزانة وهي تقول:امشي ياد العب بعيد أحسنلك،أديك كنت هتنسيني أسقي دكر البط قبل مادبحه،ثم ملأت فمها بالماء وفتحت فم البط وأفرغته فيه وبحركة واحدة سريعة هللت وكبرت وذبحته وهي تدندن برائعة الخال الأبنودي: قالوا علينا ديابة واحنا ياناس غلابة،وألقت به في حلة مملوءة بماء مغلي استعداداً لنتف ريشه ولا عزاء لفاطمة ناعوت!
