اندفعت التعليقات من نشطاء مواقع التواصل الاجتماعي "فيسبوك وتويتر" علي الخطاب الذي ألقاه القائد العام للقوات المسلحة وأمهل فيه رئيس الجمهورية د.محمد مرسي 48 ساعة لتحقيق مطالب الشعب. ودشن النشطاء هاشتاج باسم "طير انت"، وكتبوا التعليقات التي تنوعت بين الفرحة العارمة من موقف الجيش المصري ، والخوف من تكرار تجربة المشير محمد طنطاوي ورجوع الشعب للهتاف ضد حكم العسكر. وعلى تويتر قال عمرو واكد "أيوة مش عاجبني حكم مبارك ولا عسكر ولا إخوان. غريبة دي يعني، وعلى فكرة إحنا جربنا خارطة الطريق بتاعة العسكر اللي نتيجتها أمامنا اليوم.". وقالت نوارة نجم "يعني كان جرا ايه بقى لو كان مرسي قال لنا البقين الحنينين دول بدل السيسي وعاملنا معاملة بني ادمين بدل شحططنا رواندا تشيك كده؟" وأضافت "تفتكر السيسي هيعمل زي طنطاوى وهننزل تااااااااااانى نهتف ضد العسكر ولا فى امل يعمل الصح ؟؟!!". وقال عمرو امام "من الأخر كده السيسي بيقول زي ما عملتوا واجب مع المشير وعنان إحنا كمان هنعمل معاكوا واجب ، 48 ساعو وتكونوا خلعتوا أمان كده يا برنسات " وكتب ابراهيم الجارحي" مرسي هايكمل مدته يا علمانيين يا كفرة !! فاضلله سبعة واربعين ساعة وهايكملهم يعني هايكملهم!!". وكتب عماد "الى غير رجعة بقدرة شعب مصر العظيم . وتظل مثر دائما ولادة ". وعلى موقع التواصل الاجتماعي فيسبوك، انتشرت أيضا التعليقات ابتهاجا بخطاب الفريق عبد الفتاح السيسي. وكتبت هند "السيسي ادالك 48 ساعه تلم فيها شنطك يا مرسي ارحل ارحل" وكتب أحمد ماهر "السيسي وهو بيقول لمرسي يا تنفذ طلبات الشعب يا انفذها أنا..اي فيل لايك .. هاتقولهملي نيللي نيللي هاقولهملك شريهان شريهان". وأضافت ايمان "لو دا جنان اتجنن .. لو اهلك مرديوش ينزلوك النهارده كمان ادخل و علق يافطه ع البلكونه و اكتب عليها ..هنا مقر ا?خوان المسلمين" وكتب محمد رمضان "الإخوان .. طيروا انتم" وتابعت ميادة "ملخص البيان العسكرى : "خلاص يا شعب اوعى تسيب الشارع يومين وأنا هطيرلكو مرسي " اللى لسا منزلش يلا ينزل اوعوا تسيبوا الشارع".