تباينت ردود الأفعال، على موقع التواصل الاجتماعي "فيسبوك"، الجمعة 17 مايو، حول حركة "تمرد"، وذلك تزامنا مع جمعة "تصحيح المسار"، وظهرت صورة لاستمارة "تمرد" وهي يتم استخدامها "كقرطاس" للطعمية. وتبادل النشطاء على "فيسبوك"، الآراء حول هذه الصورة، وشن البعض هجوما على "تمرد"، حيث قال Amr Mohamed Ali Hassan : ده اخرة الورق ده يتعمل قراطيس ويتباع فيه الطعمية"، وقالت Rawan Mislam: "مهما مش عارفين يحطوا التوقيع .. قالوا نحط فيه الطعمية"، وأضاف Hussien Abouzeid: "كدا مكانها الطبيعي"، واستكمل Beko Ahmed الهجوم قائلا: "رشوه انتخابيه ده ولا لا يا بيه". وعلى الجانب الأخر دافع البعض عن الحركة، وقال Ahmad Elsherif : "الورقة لو اتحط فيها طعمية ده مش حاجه تعيبها ولو دي حسبتكوا يبقى كمان المناهج اللي بتدرس لولدنا في المدارس أخرها يتلف فيها طعمية ، ومتهيألي كلنا عارفين إن الكتب الدراسية من إبتدائي لثانوي بيتعمل فيها أنيل من كده .. وتعرفوا أقولكوا على حاجه ورقة تمرد أتعملت للي بياكلوا طعمية وميجراش حاجه لما يتلف فيها طعمية دلوقتي .. عشان الشعب ده هياكل الطعمية ويحط مكانها الخروف الكبير اللي هيتشال ويتحط كده زي الباشا في نفس الورقة دي .. والشعب المصري هيعمل عليه عقيقة إن شاء الله .. ولو حد منكم حابب يجي معانا العقيقة دي معادنا يوم 30 يونيه". وقال Walid Sherbeny : "كده يبقى تمرد ماشية صح مرعوبين يا إخوان ... مفيش إخواني يقدر دلوقتي يقف وسط الشارع ويقول أنا إخواني وأفتخر ... رجعتم محظورين زي زمان". وأضاف Mohamed Taha : "ما هو طول ما انتوا بتعملوا كدة بتاكد ان احنا صح ورعبنكوا وبرضوا مبارك كان بيقول كدة ايام توقيعات الرادعى والاخوان هما اللى كانو بيلموا التوقيعات".