أدى الحكم على أحمد الجيزواي بالسجن 5 سنوات و 300 جلدة بالسعودية ، إلى إحداث حالة من الغضب بين نشطاء "تويتر". وقالت حبيبة "وتبدأ يومك بخبر حادثة قطر يموت فيها الغلابة في البلد وجلد الجيزاوي 300 جلدة وحبسه 5 سنين في السعودية"، وقال مادي "لو ليكم كرامة جوه كان يبقى ليكم كرامة بره! لو كان الناس مبتموتش في قطر_البدراشين كان الجيزاوي رجع ومتبهدلش في السعودية". وقالت مها : دي مش دابة عثرت في العراق يا مرسي ده بني ادم اتحكم عليه ظلم وعمره هيضيع :( الجيزاوي"، وقال مصطفى أشرف "الحكم على الجيزاوي بالسجن خمس سنوات والجلد 300 جلدة , يعني ولا العيشة نفعة جوه مصر ولا حتى براها". وقال أحمد طلاب "ماتوا ف عهدك، أمن مركزي ماتوا ف حادثة، الجيزاوي اتحبس ونجلا بتتجلد، متظاهرين ماتوا عند قصرك وبرضه مش ذنبك؟ مين المسؤول؟". وقالت RE ELGAZAR ليه التايم لين مندهش كده من الحكم علي الجيزاوي ؟ كنتوا فاكرين هياخد براءة مثلا ؟ طب علي اي أساسا ؟ وانتوا اتخن واحد فيكم كبيرة كان تويت وشات. وقال عبد الخالق "انام علي خبر زفت بتاع قطار_البدرشين و اصحي علي خبر حبس و جلد الجيزاوي ... يا مررانا" قال أبو حليم "اجلدوا ظهر الجيزاوي يا آل سعود…وأنت يا جيزاوي إياك تصرخ!! شعبك وراك بيسمع العريفي ويمصمص شفايفه !!، " الحكم على «الجيزاوي» بالسجن 5 سنوات و300 جلدة !! ياترى الرئيس هايبعت وزير الخارجية والمخابرات الى السعودية زى الإمارات " . وقال مازن طارق "مفيش حاجة اسمها حكم مخفف .. الحكم ده اعتراف غير مباشر منهم ببراءة الجيزاوي"، وقال مارفا "معلش هوه عقوبه جلب أقراص مخدره للسعوديه5 سنين و300 جلده؟افهم؟؟الجيزاوي برئ..يبقي ياخد إفراج ويرجع ..مدان..اتوسطوله ليه عشان تخففوا العقوبه؟" وقال سامر "ترقبوا نباح بعض من يسمون انفسهم حقوقيين للدفاع عن المدعو "الجيزاوي" بعد صدور الحكم للتشكيك في القضاء"، وقالت سامرو "المفروض قصاص لانه مفسد في الارض " كانت المحكمة العامة في جدة، قد أصدرت الثلاثاء 15 يناير، حكما بمعاقبة أحمد الجيزاوي بخمس سنوات و300 جلدة وحكمت على زميله إسلام بكر بست سنوات و400 جلدة والمتهم الثالث سعودي الجنسية سنتان و100 جلدة. كان الادعاء العام طلب عقوبة الإعدام للمتهم خلال الجلسة الأولى من المحاكمة التي بدأت في 18 يوليو الماضي، وقد تم القبض على الجيزاوي في مطار جدة فور وصوله مع زوجته لأداء مناسك العمرة في 17 أبريل الماضي، بعد أن أعلنت السلطات السعودية حيازة الجيزاوي أدوية محظورة مؤكدة "ضبط 21380 حبة زاناكس بحوزته، وهي من الحبوب المصنفة ضمن المخدرات، والخاضعة لتنظيم التداول الطبي ويحظر استخدامها أو توزيعها".