بمجرد أن أطلق النمساوي لويس ووترز صافرة نهاية مبارة الأهلي والإسماعيلي، وهي المبارة التي حسمت درع الدوري للأهلي بنسبة كبيرة، قام عشاق الساحرة المسديرة على مواقع التواصل الاجتماعي بانتظار تعليق الإعلامي عمرو أديب، الذي اشتهر بتعليقاته الساخرة علي أداء نادي الزمالك، باعتباره أحد عشاق القلعة البيضاء. يمتلك عمرو أديب سجلًا حافلًا من الفيديوهات على اليوتيوب تتمتع بشعبية جارفة، خاصةُ من عشاق الفانلة الحمراء، والمميز هذا الموسم تصريحان، أولاهما دردشة ضمن برنامجه "القاهرة اليوم" مع النائب السابق محمد شردي، عقب تعادل سلبيًا الزمالك مع طلائع الجيش ضمن منافسات الأسبوع 25 للدوري، مما أدى إلي تصدر الأهلي لجدول الدوري بفارق نقطتين بعد فوزه على إنبي 2-1، وجاءت الدردشة كالتالي "أنا عايز بس قبل مانبدأ أقدم شكوى للمجلس العسكري في الزمالك، أقدم شكوى للمجلس العسكري في الزمالك، الدوري راح !!، يعني أنا قولت ايه خلاص، الأول أنا كان عندي إحساس بالمؤامرة، إن الثورة قامت عشان الزمالك مايخدش الدوري، دلوقتي أنا عرفت أن الثورة قامت عشان الزمالك مايخدش الدوري والأهلي ياخد الدوري كمان، يعني مش ممكن قبل الثورة مابنخدش الدوري وبعد الثورة مابنخدش الدوري، بقالنا 10 سنيين مابنخدش الدوري ومابنكسبش الأهلي، ومابنعملش أي حاجة" واستطرد أديب مستعجبا:"الريس يتشال واحنا مابنخدش الدوري، وكل حاجة تتغير واحنا مابنغيرش وهيفضل الزمالك دايمًا مابيخدش الدوري، مش فاهم إيه الحكاية، أنا اعيش ازاي، أنا لا هاممني انتخابات برلمانية لا رئاسية ولا دستور ولا انتخابات، أنا هاممني إن احنا مابنخدش الدوري" قبل أن يختتم أديب كلامه مؤكدا على إنه سوف يقدم بلاغا للمجلس العسكري ضد الزمالك، قائلا:"الدوري ده لازم يتلغي مش عجبنى، إذا كنتوا عايزين تلغوا استفتاء بحاله مش هتلغوا دوري". أما أحدث تصريحات الإعلامي عمرو أديب، تعليقه على مبارة فوز الأهلي علي الإسماعيلي 2-1 ضمن الجولة 26 للدوري، حيث انتشرت تصريحات أديب على مواقع التواصل الاجتماعي، وعلى رأسها "فيسبوك"، كالبرق، مهنئًا الشياطين الحمر بالدوري، وجاء على النحو التالي: "أنا النهاردة قررت أن أرتدي هذه الجرافته الحمراء، وأن أهنئ النادي الأهلي، إدارًة وشعبًا وحكومة، ولو كان عندهم إخوان وثورة كمان، أنا بهنيهم النهاردة، أما بالنسبة لنادي الزمالك، فلاعيب في نادي الزمالك خاااالص، نادي الزمالك لا حرج عليه، العيب فيا، أن أنا من ضمن 12 سنة قدمت فيهم القاهرة اليوم، مافرحتش فيهم غير 3 مرات، أكثر من 7500 ساعة هوا فيهم 10 دقائق فرحت بالزمالك، ونكد من الأهلي مستمر" وقدم أديب تخيلا لمانشيتات الصحف لليوم التالي:"إيه اللي هيحصل النهاردة؟، هتبتدي بقى الجرايد بكرة إيه يتكلموا على إيه، لالالالأ سبكوا بقى من الدوري وبتاع، الزمالك داخل لقاء القمة، ودي قمة لوحدها، مش مهم الدوري مش مهم الكلام ده، الزمالك داخل لقاء القمة بقى وبتاع وهيخلص، وهيحصل زي كل قمة، وكل سنة وانتوا قمة" ويتسأل اديب "ايه السبب؟؟؟ انا نفسي فعلًا يوم نبقى وفاضين من أول النهار ونبتدي نفهم ايه السبب؟ عنده أحسن لاعيبه في مصر، وعنده واحد من أحسن المدربين في العالم العربي كله"، وتسأل اديب مجددًا "ايه المشكلة، ده لاعيبه الزمالك دول نادرًا مابيتغيروا، ثابتين وفنانين ومعلمين، شيكا وجعفر وعمرو ذكي، وميدو اللي جالنا لسه بيسخن لغاية ماهيولع وهو واقف على الأرض، عندنا كل الحاجات دي، عندنا كمية لاعيبه غير عادية" "الحظ يحب الأهلي، بالك الكورة دي لو في ماتش للزمالك، ماكنتش اوفسيد بس، كان طرد بركات لو هو لاعيب الزمالك كمان، كانت الناس نزلت كسرت الملعب، انما مع الأهلي لأ بتيجي جون وصح، وطرد واحد من بره كمان عشان شتم الحكم الاجنبي، والحكم الاجنبى فاهم كل الشتايم اللي بالعربي بتاعتنا، عارفها كتبهالوا في ورقة، تعلم الشتيمة المصرية بدون معلم، أول شتيمة عارفنها دي تطلع فيها كرت أحمر، تاني شتيمة دي تطلع فيها كرت أصفر، تالت شتيمة دي تجري ليحصلك زي اللي حصل للراجل النمساوي"