رب المظالم يافندم مالى السما والارض رب المظالم يا فندم مالي السما والارض سبحانه. شايف وعالم بخلقه فرداً. فرد ومهما دب الفساد والظلم فاق الحد لابد من وقت حاسم لابد من وقت جد تترد فيه المظالم ولاحد ينفع. حد راجع بنفسك سعادتك إقرا الورق تاني ملفي جاهز وكامل وحروفه نطقاني أسمي وسني ومهنتي وبالذات. عنواني لا جدي كان شركسي ولا أبويا عثماني جدي اللي شق القناة وأبويا عداها وأمني ووصاني أياك. ومهما حصل ومها طال الاجل مالناش وطن تاني وصحيفه الحاله بيضا لا بعت يوم ذمتي ولا كنت يوم. جاني لاحظ شهادتي بتشهد أني أول الدفعه ونجحت طبي وهيئه لاحد حصلني ولا حد. عداني لكن يا فندم وآه منها ماقدرتش أول لمعني إن الجنة رفضاني هي النيابة يا فندم؟ اتفصلت علي ناس بالذات. وبالعاني؟ ولا معيار النجاح عندنا والمستوي العلمي بقي درج أخراني ولا ابويا صلاح علشان بسيط. فلاح شغلته قمحي وكتاني! ممنوع عليه يحلم؟ إذا كنت أنا حلمه ومحوش الأعياد. علشاني! الفوله إيه دلني وإز اي تكون فرحته قاتلاه وقاتلاني؟ فتحت عيني لقيتني طرح أيامه وسنينه بتعافر وشايلاني. فارش حياته لخطوتي وساقيني من حكمته وقفات. ومعاني غنالي لحن الوطن ونشيد بلادي.عتقه وصبه في وجداني كل البلد تندهه عمي عم الاصول والادب وهو الطيب الحاني ولكنه ذنبه مهنته وجريمته ومخالفته أحلام وأماني حلمه. وكيل نيابه يمسك ميزان العدل ومايطبطبش ع الجاني حلمه. معيد شاطر مايكونش ابن عميد يكون الزارع الباني حلمه. يروح صوته لواحد اختاره ومايحودش ع التاني آه من جحودك ياوطن بتحضن المحاسيب وترمي حلم بيعاني آه من جحودك ياوطن ندفع تمن حلمنا. نلاقي الظلم مجاني آه من جحودك ياوطن أسي علي النابغين وهم الجاي. والاني بلدي باعتني يافندم كأني شركه خسرانه كأني قرش. براني. بلدي باعتني يافندم مره لفضا جيبي. ومره الواسطه سبقاني بلدي باعتني يافندم وسلمت حلمي. لشله طول الوقت كسراني بلدي باعتني يافندم وانا اللي من طينها انا اللي وقت الجلد أبرق في معدنها حامي حماها وباني. حيطانها حمال حمولها وخبازها. وعجانها طيب ليه بقي في الحقوق يختل. ميزانها.؟