في ناس بتشوف إن الكريدت كارد هتساعدك تحل أزمة عندك وفي ناس بتبقى مقلقة إنها تدخلهم في أزمة مالية تانية! بس أكيد لو عرفت إزاي تستخدم البطاقة صح، هتريح نفسك وتعيش مرتاح. فلو قلقان من بطاقة الائتمان بسبب كلام الناس واللى في منهم أكيد مش عارفين يستخدموها صح! احنا هنساعدك ونقول لك على اللي بيخوفك وإزاي تبعد عنه.. 1- خايف تصرف كتير؟! في إحصائية بتقول إن الشخص اللى معاه الكريدت كارد بيصرف ضعف اللى بيدفع كاش وده علشان البطاقة بتديك حرية الصرف!. وديه حاجة تقدر تتحكم فيها لما تراقب مصاريفك، وتبقى عارف بتدفع فلوسك فى إيه بالظبط من خلال متابعة الفاتورة الشهرية اللي بتوصلك بمعاملاتك، وتقدر كمان تفعل الرسايل على موبايلك بعد كل استخدام للبطاقة. 2- الفايدة! الفايدة بتنزل لما متدفعش القسط اللى عليك كل شهر فى الميعاد المحدد، اللي هو فترة السماح/ Grace period، غير كده بتدفع بس اللي صرفته من غير أي فايدة. 3- لو عايز تحافظ على تاريخك المالي أو ال I-Score ! لو خايف إنك متقدرش تدفع الأقساط اللي على بطاقة الائتمان، متقلقش لأن هيبقى قدامك حوالي 48 ل 58 يوما تسدد فيها، ولو عديتهم فأنت لسة عندك فرصة تدفع اللي عليك بس هيزيد عليهم فايدة. 4- خايف إن بطاقة الائتمان تتسرق؟ لو بتخاف على البطاقة من السرقة، ف أغلب البنوك دلوقتي بقت بتشتغل بنظام ال OTP أو One-Time Password، وده رقم سري بيطلب منك قبل الموافقة على كل معاملاتك، والموضوع ده بيديلك الفرصة تستخدم الكارت أونلاين بطريقة آمنة لأن الرقم السري بيتبعتلك على الموبايل اللي متسجل في البنك، وبكده صعب تتسرق، وهتقدر تبلغ البنك عشان يوقفوا الكارت مع أي محاولة للسحب من البطاقة هتوصلك بيها رسالة. قدم دلوقتي علي الكريدت كارد اللي محتاجها مع فايدتي وانت في مكانك ببلاش بعد ما اطمنت أن التعامل معاها سهل. 5- بيتعامل مع كل العملات! الكريدت كارد بتتعامل مع كل العملات الأجنبية في المعاملات الأونلاين، ومش بتحتاج تكون متفق مع البنك من البداية على استخدام عملة محددة. ادخل على محول عملات فايدتي، لو عايز تعرف اخر أسعار العملات الأجنبية بالمقارنة ب الجنيه في البنوك المصرية.