رفض الفنان محمود العسيلي، أي محاولة لمنع أو وقف مطربي المهرجانات خاصة، قائلا: إنهم خلقوا لونا جديدا من الفن لمصر. وأضاف: "أنا ضد منع أو وقف أو حجر وهما خلقوا لون لمصر، والكلمات اللي بيقولوها جاية من المجتمع، وأنا ضد الحجر على أي حد عشان الحاجة اللي بيقدمها وما دام الناس بتحبهم وبتسمعهم يبقوا ناجحين". وأكد الفنان محمود العسيلي، في لقاء ببرنامج "شيخ الحارة والجريئة" مع المخرجة إيناس الدغيدي على قناة القاهرة والناس، أن مطربي المهرجانات حققوا أرقام نجاح أضعاف ما يقدمونه هم من الطرب العادي، مضيفا: "بتوع المهرجانات حققوا أضعاف اللي إحنا بنحققه وهما بيمثلوا حاجة مهمة ومينفعش نتجاهلها و90% من الشعب المصري بيسمعهم وأرقاهم أضعاف أضعافنا". وتابع: "مطربي المهرجانات بقوا موضة ومعظمهم بيبقى تقليعة ولكن في ناس بتعمل حاجات كويسة زي أوكا وأورتيجة والمدفعجية وحسن شاكوش"، مؤكدا أن الكثير منهم موهبين وجمال وبيمثلوا جزء مهم من ثقافة بلدنا اللي موجودة الآن، وأوضح أن البعض منهم قوي للغاية وسيستمر والباقي موضة وستختفي، مختتما "الجامد هيفضل مكانه".