انتقد الإعلامي مدحت شلبي ، الواقعة المتداولة على مواقع التواصل الاجتماعي لحفل زفاف تقوم فيه العروسة بتعقيم المعازيم من خلال رش الحضور بمسدس تعقيم يحمل مواد مطهرة وسط تكدس بالفرح، وعلق قائلا: "قد يكون مشهد يدعو للضحك ولكنه مؤسف جدا وغير مطلوب على الإطلاق". وأضاف شلبي، في برنامج «مساء الأنوار» على قناة «القاهرة والناس»، «المصريون فظاع وملهمش حل.. واللي حصل مش وقت الكلام ده خالص، والعروسة حطه على ضهرها الأنبوبة وعمالة تضرب الراجل اللي هيتجوزها وسط زحمة المعازيم وترش في الناس، وده مش هينفع، وفى الآخر لبست الكمامة بعد إيه بقى». ووجه شلبي تحذيرا للمصريين من الاستهتار ب كورونا قائلا: «يا جماعة والله ربنا بيسترها معانا.. يعنى الحمد لله الأمور بنسبة كبيرة تحت السيطرة، ولكن لو لم نتبع التعليمات الأمر مش هيبقى لطيف أبدا، وعايزين نبقى ملتزمين ومش عايزين نبقى زي الدول التانية، ولازم ناخد بالنا من اللى حصل في دول كبرى من فيروس كورونا ».