لغة الكلام مش زي لغة العرق كل الورق ما يكفي موالك يا ابن البلد يا مصري يا أيوب مكتوب توري مصر لعيالك مكتوب تغني لهم في أحضانها يا صاينها و اللي سرقها ما صانها صهل حصانها و قال بلادي بلادي الشعب زي النمل لم الشمل القاهرة و اسكندرية و قها وسط البلد غنت في يوم الحمل حامل في مصر بحالها مين قدها السجن بيجمع مدن و كفور آدي الطيور.. سرب ف طريق ثورة محلا التعارف و الطيور حرة عوض حسين فتحي ابراهيم بركات غطس في قلب الزحمة و الملايين في عيونه جرح و في الإيدين شربات مخصوص عشان فرحة بهية و ياسين اتجوزوا في الميدان و الشعب كان حاضر فتحوا المحاضر و قالوا علينا مندسين وكإنهم عايشين في الكوكب المعزول فتحوا المحاضر و قالوا( قلة) ع الملايين وممولين من دولة الملامين الكل أصبح في نظرهم جاسوس سني اشتراكي قبطي بياع عرقسوس وجاسوس يا نيل يا كشري يا تماثيل بتبعتوا مراسيل من مصر للجنة واشعار بتتغني تحيي الثورة والثوار اتنين وفي وسط الجمع بيعدوا منهم عجوز و الدمع علي خده نازل علي تجاعيده و حفيده عكازه وفي إيده بروازه فيه صورة بطل صعيدي أسمر طلته قصيدة بعيون عنيدة و نظرة كلها مصر ويدن العصر يفتكره ويدعي له ويدن العصر يدعي له بحب الناس ويبقي عايش رغم موته وسط الناس ما يمشي صوته من قلب الميدان يا ناس ونسمع القداس ويا الآدان يا ناس ونشم ريحة الإنسانية يا ناس آن الأوان آن الأوان يا ناس يا ناس يا مصريين ح ننقذ مصر لسه الملامح في عين سامح بتتكون لابس قميص بالدم متلون يا رب هون.. قالوا الصبر ع الظالم الرب عالم وقال للعبد روح واسعي شايلة السما شهداء ولاد تسعة قالوا لنا نصحي.. صحينا شفنا الشمس حبينا أمس وشفنا خيط بكرة اسكندرية مارية وشعبها أمواج سيد شطوطها وبحرها درويش ولما هب الشعب بحرها هاج غني معاها الكترة ع الكورنيش وقوم يا مصري وطار وحضن الفنار يا شعب يا جبار الشمس داخلة الريق بتقول بحس رقيق دم الحبيب مالح آه يا سوايسة يا سوايسة آه وكل آه تسبقها قولة آه البحر الاحمر حمرته من الدم دم اللي ماتوا شهدا أوطانهم نط الرصاص ع الأخ وابن العم وجت الملايكة تطير لأحضانهم تكتب حيطانهم بالدماء أبطال ما بقتش فارقة كتير يا قمورة يا نقولها لأ يا إما نستاهل قال اللي قال ح تبانوا في الصورة يا طلبة المنصورة.. يا سواحل يا سينا يا شرقية يا بورسعيد يا كل شعب عنيد و منتصر دايما الثورة قايمة و مين يوقفها
