ليس مبررا أن نرفض الفريق أحمد شفيق لأنه من اختيار الرئيس السابق حسني مبارك فلابد من اعطائه فرصة لاثبات ذلك من أجل مصر و من أجل اعطاء هذا الرجل الفرصة حيث مشهود له بالأخلاق و الكفاءة و طهارة الأيدي. ومن هنا انطلقت حملة علي الفيسبوك تطالب بابقاء الفريق أحمد شفيق رئيسا للوزراء وشارك فيها أكثر من10ألاف عضو تأييدا له. فنري أحد المؤيدين له يقول ياريت زي ماقلنا لا للفساد نقول نعم للاصلاح. يقول أحمد بريوني ألف ألف نعم للفريق أحمد شفيق وكان رأي أمال صدقي طاهر انة لو بدأنا بالشك في كل شيء يبقي علي الدنيا السلام ياريت كفاية شك في الناس خاصة لو الناس دي محترمين و تقول شاهندة الخطيب ولو سمحتم كفاية نقسم الناس دول تبع حسني مبارك ودول مش عارفة تبع مين و نفتكر بس ان احنا كلنا مصريين. وأسامة فودة يقول يحيا احمد شفيق نعم لأحمد شفيق, وعلاء حامد يقول نعم والعقل يقول نعم ياجماعه الراجل محدش مديله فرصه يشتغل ويعمل حاجات حلوه كتير والله انا خايف لهو اللي يزهق و يمشي.و يقول بودي محسن أعتقد أنه أنسب واحد يمسك الوزارة. ويقول أحمد نور الدين.. انا عايز اقول للناس دي حاجة... مصر وشعبها ومسئوليها اتغيروا تماما بعد الثورة وكلنا متأكدين من ده لان الشعب خد ثقة جامده جدا في نفسه... و أي مسئول بعد كده هيقعد علي اي كرسي اكيد هيعمل حساب للناس دي... و مش هيحاول... يعمل حاجة غلط والمفروض دورنا... لما نلاقي حد بيحاول يصلح نبقي معاه ونديله فرصة... خصوصا ان احنا ماشوفناش منه حاجة وحشة لغاية دلوقتي.... ده غير ان الفريق مسك الدولة في أصعب ظروفها.
