تباركت يا ربنا فى السماء وصل و سلم على المصطفى فى يوم مولد الرحمة سالت دماء ويا عدرا ليه نور حياتنا انطفى. عشان فكر بنّا بيهدم مابيننا ويقتل ولادنا ويحرق وطننا ولا يقيم فريضة ولا بيحيى سُنّة ولا يعرف الا الجحود والجفا عشان حلم شاطر بلقمة طرية يعيد الخلافة الكنافة الشهية وترجع بلدنا تكيّة و وسّية يبيعها فى سوق الرقيق فى الخفا عشان شيخ وصولى وساكن قطر وعامل أصولى وهوّ الخطر وصبحت جماعة مغول أو تتر وضاع الإيمان والضمير اختفى وحبّارة اللى القضا جّرمُه وقرر أخيرا خلاص يعدمه بقى رمز ليهم ألوف تدعمُه وياما عقول ضالة متخلفة فى مصر احنا عشنا آلاف السنين بنزرع ونبنى ولا نهد دين ونختم دعانا جميعا آمين ولقمتنا واحدة بصحة وشفا بنينا الكنايس فى حضن المساجد وصمنا و فطرنا فى نفس الموائد خلطنا الفَرَح و الدموع و الموالد وهانعيش ما بيننا محبة ودفا تباركت يا ربنا فى السماء وصل و سلم على المصطفى