حرص بعض الفنانين والمشاهير، على مساندة الإعلامي شريف مدكور في مرضه، الذي أعلنه مؤخرا حول إصابته بورم في القولون، وقاموا بتوجيه المزيد من رسائل الحب والمودة، حتى يدعمون من خلالها شريف مدكور في مرضه. ويرصد لكم "أهل مصر"، أهم رسائل الفنانين والمشاهير لشريف مدكور كما يلي: اقرأ أيضا..إصابة شريف مدكور بورم في القولون نشوى مصطفى كتبت الفنانة نشوى مصطفى، للإعلامي شريف مدكور عبر حسابها الشخصي بموقع التواصل الإجتماعي "فيسبوك"، قائلة: "ياشريف أنا بحبك اوى — باحب روحك الطيبة وقلبك اللي مليان نور ومحبة — فاكر ياشريف فى فترة من حياتى مريت بتجربة مرار خليتنى فى منتهى الضعف الانسانى واحنا ساعتها مكنتش اصحاب خالص — فاكر لما كلمتنى — عمرى ماانسى وقفتك النفسية جنبى عمرى ماانسى اد ايه كنت بتقوينى وفضلت معايا لحد مااتطمنت انى بقيت كويسة — عمرى ماانسالك الموقف ده ابداً — وقت شدتى لقيتك موجود — وبعدها عرفت اد ايه انت انسان كبير من زملا كتير كل مااحكى لهم وقفتك معايا اسمع منهم حكاوى طيبة عنك مع الغريب قبل القريب — ياشريف من شهرين عزمتنى على العشا عندك وقلت لى انا مجمع اقرب الناس لقلبى وعايزك تكونى موجودة واعتذرت لك ساعتها علشان كان يوم خطوبة بنتى — ماليش دعوة انا عايزة عزومة عشا قريب — والا اقول لك خليها فطار او سحور — ياكريم ياللى من بيت كريم — مستنية ياغالى تليفون العزومة واحنا بنحتفل بتمام شفاك يارب يحبب فيك خلقه كمان وكمان، شريف مدكور". سالي عبد السلام كتبت الإعلامية سالي عبد السلام، لصديقها الإعلامي شريف مدكور عبر حسابها الشخصي بموقع التواصل الإجتماعي "فيسبوك"، قائلة: "مش هيكفى اتكلم عن طيبة قلبك وجدعنتك وأصلك وتربيتك سنين لو هنتكلم عنك... تانى بقولهالك و هفضل اقولها اللى ميعرفكش خسر كتير...شريف ان الله اذا احب عبد ابتلاه، ابتلاك باختبار صبر ويقين وثبات..والدعاء يغير الاقدار ومصر كلها بتدعيلك يا طيب..ادعوا له ميبقاش فى حاجة وحشة ابداً والعينة تطلع سليمة..دعائكم يغير الاقدار والله، ربى يشفيك ويعافيك ويطمن قلبك الطيب يا طيب، عملة نادرة اوى والله". اقرأ أيضا..لماذا شريف مدكور محبوبًا من السيدات.. 5 أشياء تجيب (فيديوجراف) رضوى الشربيني نشرت الإعلامية رضوى الشربيني صورة لها برفقة شريف مدكور، عبر حسابها الشخصي بموقع التواصل الإجتماعي "فيسبوك"، وعلقت عليه قائلة: "ألف سلامه عليك يا جدع ياطيب يا محترم.. وتقوم وترجع لينا ولى جمهورك اللى بيحبك إن شاء الله.. ادعوا له ان ربنا يتمم شفائه على خير". عبير صبري كما حرصت الفنانة عبير صبري على مساندة مقدم البرامج شريف مدكور بعد إصابته بورم القولون، وكتبت له عبر حسابها بموقع "فيسبوك": "ألف سلامة عليك ياشريف ربنا يشفيك ويعافيك وترجع زي الفل باذن الله". صلاح عبد الله وأخيراً ساند الفنان الكبير صلاح عبد الله، المذيع شريف مدكور عقب علمه بإصابته بورم على القولون، وكتب له صلاح عبد الله على "فيسبوك": "عمري ماشفتك غير في الشارع بتاعك شارع شريف، وكنت دايمًا بنبسط ولما عرفت حالتك الصحية دلوقتي إضايقت وزعلت قوي واللي هون عليا إن كل الناس بتحبك وبتدعيلك بالشفاء التام والعاجل بفضله تعالى شريف مدكور".
