إسأل الشيخ مبروك وهتلاقى حلك عنده؛ لازال الدكتور مبروك عطية يبتكر ردود على متصليه فى إحدى البرامج الفضائية، مرة يقول: "قولى يابت، الله يخربيتك، يابت إفهمى". فى هذا التقرير ترصد "أهل مصر" أغرب الأسئلة التى سئلت للدكتور مبروك عطية... تحدثت إيمان من الشرقية إلى الدكتور محمود عطية عبر الهاتف على إحدى البرامج الفضائية "أنا عملت ذنوب وجبت عيل من الحرام وأنا بصلى وبصوم الولد مصيره إيه؟ يرد عليها عطية قائلا " إنت جبتى الواد ده وإنتى متجوزة يابت" ترد عليه أيوة متزوجه فيجيب عليها مؤكدًا فى إجابته لها قائلا " يبقى الواد غصبًا عني وعنك ابن زوجك مؤكدًا كلامه: "مش أنا اللي بقول دا الرسول حسمها حتى لو الواد مية فى المية حرام" مستدلا بقول النبى الولد للفراش. ويضيف "عطية": "لازم تكفرى عن ذنوبك ولا يكفر عن الذنوب الإ ايه إلا يكفر الحاجة الأولى التوبة والصدقة، لم أرى أحسن من صدقة حديثة لذنب قديم زى النبى ماقال". وفى إتصال آخر لفتاة تدعى ياسمين تسأل الشيخ قائله "ماهى حقوق المرأة اللي بتتطلب من جوزها الطلاق لعدم قدرته الجنسية بالإضافه إلى إنه بياخد منها فلوس ايه الحكم؟". يجيب عليها الدكتور عطيبه بقوله" الإمام الشافعى قال: "فلتصبر عليه عامًا فلربما تغير عليها عامًا، موضحا أن الطلاق ملحوقة عليه، ولا علشان مش قادر نرميه يابت". بينما خالد فى إتصال آخر يقول له انا متزوج اتنين الأولى عندى مخلف منها ثلاثة عيال وغضبت علشان انا اتجوزت التانية، والست دى ملهاش حد ووحدانية، والأولى عايزانى أطلقها وطلبه نفقه أعمل إيه ". أجاب عليه مبروك عطية: "اللي طالبة الطلاق دى قولها اخبطي دماغك فى الحيطة ومحدش هيعبرك"، مستطردًا كلامه: "هى مراتك الأولى هتحرم حلال ربنا هى زى الفريك ماتحبش الكيكي" سبع سنسن وماتدراشى وقولتلك ماتخدهاشى". ويواصل عبد الرحمن بإتصاله هو الآخر بسؤاله أنا متزوج من بنت عمى ومخلف منها 3 عيال وعمتى لسه قايلة أنى راضع عليها أطلقها ولا أعمل إيه؟. رد عليه مبروك بنبرة حادة " انتى جاى تسأل دلوقت يأخويا" مخاطبًا إياه " انتي بتكلم مين على الشات قولى رجالة أى كلام " وبذلك أنهى كلامه. وفى السياق ذاته يقول متصل أنا برة البيت أسد وجوة البيت ضعيف ومراتى بتضربنى وأنا بخاف منها وجوة البيت تضربنى كأنها بطل فى الملاكمة؟ يجيب عليها بقوله الأولاد بيشوفوك وهى بتضربك فأجابه بقوله لا، وأضاف عطية كيق تستقيم الحياة بهذه الطريقة. هل قلت لها أنك الرجل وهى أمرأة، ثم قال له " إكسرلها ضلع يطلعلها عشرة". وتستمر الأسئلة التى تصل إلى الشيخ عطية لتأخذ أم مصطفى نصيبها هى الأخرى فتساله، "أنا أختى متوفاة وأنا عايزه اروحلها القرافة..وأصليلها ينفع؟ وأنا عندى تلاتة بنات وجوزى مش شغال وأنا اللي بسرف على البيت إيه الحكم؟." فأجابها قائلا روحى يا أختى بس ماينفعش تصلى ليها، متهما إياها قائلا "يا انسوان متعرفوش الدين..انتوا عودتوا الرجالة على الأنتخة" متصرفيش على البيت أنا بقولك.