تحل اليوم الأربعاء الموافق 16 من أغسطس ذكرى يوم ميلاد الفنان تامر حسني ال 46، والذي ترك بصمة كبيرة في قلوب جمهوره بعدما قدم العديد من ألأعمال الغنائية والفنية الشهيرة. وحقق نجاحا مبهرًا في عالم السينما بجانب الغناء أيضا، وعلى الرغم من النجاح الذي انتشر في العالم العربي، إلى أن الفنان تامر حسني عاش الكثير من الأزمات الشخصية بعدما عاش قصة حب كبيرة مع زوجته الفنانة المعتزلة بسمة بوسيل والتي انتهت بالطلاق. انفصال تامر حسني عن زوجته بسمة بوسيل حالة كبيرة من الجدل سادت مؤخرا بعدما شنت الفنانة المغربية بسمة بوسيل، طليقة الفنان تامر حسني، هجوما على المسئولة عن السوشيال الميديا لتامر حسني 'هالة عمر' تزامنا مع حفل زفافها مؤخرا وظهوره برفقتها في الحفل وهو يساندها ويغني. وكتبت بسمة بوسيل عبر خاصية ستوري حسابها الشخصي على موقع تبادل الصور والفيديوهات الشهير إنستجرام:'حسبي الله ونعمة الوكيل فيكي يا هالة'. وفي خاصية ستوري أخرى كتبت بسمة بوسيل: 'احترام العِشرة بيبتدي باحترام مشاعر غيرك.. بالذات لو حد كان سبب رئيسي في خراب بيتك وهدم حياة ولادك'. أما الفنان تامر حسني فدافع عن هالة عمر ونشر لها رسالة كتب فيها عبر حسابه بفيس بوك:'لكل اللي بيسأل عن إيه وجهة القرابة بيني وبين العروسة الجميلة دي شايف أسئلة كتير.. أنا هحكيلكوا هي اسمها هالة عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت، ومن كتر دفاعها عني لفتت نظري، ومرة رديت عليها شكرتها، ولما سافرت إسكندرية في الوقت ده لقيت بنت صغيره أوي بتعيط وبتجري عليا فوقفتلها وفكرتني بنفسها وفضلت تعيط وتقولي إحنا معاك ولازم تكمل عشان كنت بتحارب جدًا في بداياتي'. وأضاف تامر حسني قائلا:'فاتصدمت إن اللي بتقول كده بنت صغيرة كده، والمجهود ده كله اللي عاملاه بنت صغيره عندها 14 سنة، وقتها كانت السوشيال ميديا لسه بتطلع وكنا في شركتنا بندور على شركة كبيرة تمسكلي السوشيال ميديا لحد ما قولتلهم أنا مش عايز شركة كبيرة، أنا عايز البنت الصغيرة دي هي اللي تمسكها، فضلوا يقنعوني إن كده مش صح ولازم أكتر حد خبرة يمسكها، وأنا قولت لأ لازم أكتر حد بيحبني هو اللي يمسكها وأنا واثق إن طاقة الحب مفعولها أقوى من طاقة المحترف بلا حب، فعرضت عليها تشتغل معايا وهي في السن ده.. مصدقتش طبعًا'. وأكمل حسني قائلا:'ومن ساعتها وهي اللي ماسكة كل شغل الميديا الطفلة الشاطرة اللي كبرت دلوقتي قدامكم هالة عمر، أما بقى عريسها العسل ده اسمه عمرو، طلب إيديها مني أنا عشان والدها ووالدتها توفاهم الله.. في سنة واحدة رحمهم الله، ياريت نفتكرهم ونهديلهم ثواب الدعاء والفاتحة.. ومن اللحظة دي اتحولت هالة لبنتي الكبيرة.. بجد اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش أرد على كلامك عني في الفرح يا هالة، رديت دلوقتي هنا، ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله'.
