علقت الإعلامية رضوى الشربيني على واقعة سجود ريم طارق عروس الفنان حسن شاكوش، خلال حفل زفافهما أول أمس الجمعة، والتي أثارت جدل كبير على مواقع التواصل الاجتماعي. وقالت 'الشربيني'، في تعليق عبر برنامجها 'هي وبس'، والذي يعرض عبر قناة 'سي بي سي سفرة'، إن كثير من الناس انتقدوا واقعة السجود، مضيفة: 'العروسة سجدت سجدة شكر على الارض، وناس كتير مكنتش عاجبها المنظر دا وناس بتقول ترند والغير بيقول انها بتعبر عن مشاعرها'. iframe width="500" height="480" src="https://www.youtube.com/embed/p0rUjyx4QNE" title="تعليق رضوى الشربيني على سجدة " ريم" عروسة حسن شاكوش في الفرح | هي وبس" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen وأضافت، قائلة: 'ناس كتيرة عملت منشن ليا في الصورة بتقولي.. الحقي يا رضوى ريم طارق سجدت شكرًا في الفرح بتاعها.. أنا هقول إيه، دي ست فرحانة بتعبر عن فرحتها وشعورها، يمكن هي شايفة حسن شاكوش الراجل اللي تعمله الحركة دي في الفرح قدام الناس'. وأكملت: 'صحيح هي حركة أوفر جدًا، وآخر حاجة كنا بنشوفها إن الرجالة هي اللي بتسجد لما يجيبوا جون، اخر حاجة شوفناها إن العرايس لما تبقى فرحانة أوي وسعيدة تبوس إيد جوزها أو رأسه أو كتفه أو تحضنه، ولكن واحدة ست تسجد في فرح شكر لربنا قدام الناس والصحفيين، مشوفتهاش قبل كده، ولكن كل واحد من حقه يعبر عن فرحته بالطريقة اللي تعجبه'. وتابعت: 'دي الطريقة اللي شافتها مناسبة أنها تعبر عن فرحتها انها اتجوزت حسن شاكوش، احنا مشكلتنا في المنظر اللي هتكلم فيا ويرايت مفيش ولا وحدة تعمله عشان ميبقاش ترند، وكل واحدة نلاقي ليها صورة وهي ساجدة في الأرض بفستان الفرح بتحمد ربنا على عريسها، ياريت يا بنات متعملوش كده أبدًا'. رسالة رضوى الشربيني للبنات وأردفت: 'أنا اسجد لربنا على جوزى في اوضتى بعد ما أخلص الفرح أطلع أقول الحمد لله ادتني الزوج الصالح، وبقول مبروك ل حسن شاكوش ويارب تكون زيجة العمر وتكون قد ان في واحدة سجدت لربنا في وسط الناس عشان تقول الناس الحمد لله اداني حسن شاكوش وأنك العوض يارب تكون على قد المشهد'. واتمت: بقول للبنات المقبلين على الزواج متعملوش الحركة دي ابدا، السجود يكون لربنا علي كرمه ونعمه وعطفه ورزقة بس مش كدا، إحنا نقدر نحمده طول الوقت، مش لازم أعمل سحبة مايكل دي، وأفرد دراعي وأحمده قدام الناس بالشكل ده'.
