كشفت الفنانة شذى، عن سبب خلافها مع الفنان تامر حسني رغم أنهما اشتركا في دويتو غنائي ناجح قبل سنوات، قائلة: 'أنا سيرة تامر حسني بتقلبلي مودي وده عشان بحبه جدا'. شذى: سيرة تامر حسني بتقلب لي مودي وتحدثت الفنانة شذى عن سر خلافها مع النجم تامر حسني، خلال استضافتها في برنامج 'أنا سعيد' تقديم الإعلامي سعيد جميل المذاع على قناة 'القاهرة والناس'، موضحة: ' أنا سيرة تامر بتقلبلي مودي مش عشان مبحبوش عشان تامر أنا بحبه جدا واحنا صحاب وعشرة سنين وكنا جنب بعض في حاجات كتير.. تامر من وفاة أبويا وأمي مظهرش بيظهر كده اللي هو ضيف شرف يعني أنا مبتكلمش شغل خالص أنا بتكلم كإنسانيات'. وأضافت شذى: 'أنا معنديش إخوات ومعنديش حد وأهلي بره كلهم واللي هنا معدودين .. تامر ضيف شرف في حياتي على المستوى الشخصي والمهني كمان يعني أنا بتعرض لأزمات كتير جدا وعندنا لخبطة في السوق تامر في إيده يصلحلي حاجات كتير ويظبطني في حاجات وأنا أستاهل ده أنا مش بتكلم إني مدعية يعني'. وتابعت شذى: ' لأن الصحاب لازم يقفوا جنب بعض في الحاجات دي ولازم يكونوا ظهر لبعض خصوصا لو أنت مقدم السبت معاه قبل كده وكنت في ظهره وكويس معاه.. أنا مكنتش مستنية منه حاجة أنا كنت مستنية بس يسأل عليه'. ووجهت شذى رسالة ل تامر حسني قائلة: ' أنا بحب تامر جدا بس أنا زعلانة منه وهو عارف ده أكيد وصله.. بس أنا بحبه ولو شوفته هسلم عليه عادي أنا تامر فوق راسي طبعا بس أنا مينفعش أكذب لأني علاقتي بتامر أرقى بكتير من إني إحنا نطلع نجمل في الكلام وفي الأول والآخر احنا صحاب يعني لو احتاجني في حاجة هجري أروحله طبعا'. آخر أعمال شذى يذكر أن الفنانة شذى، أعنت خلال تصريحات صحفية، أنها تستعد لطرح أغنية بعنوان: اللي ما يتسموا قريبًا، مشيرة إلى أن الأغنية تحمل اللون المقسوم، ومن كلمات إيهاب عبد العظيم، وألحان سامر أبو طالب.
