متدفنيش و لا حرضي يوم .. تحت منها أعيش عساكركم متهمنيش بنادقكم متهمنيش صلاتكم ف الجوامع .. متهمنيش دستوركم دقونكم متهمنيش طول ما أنا مش لاقي لقمة للبطون الجعانة طول ما العيال ف الشوارع بتداس تحت جزم المهانة طول ما مصر تايهة و غرقانة ف بحور العفانة شمس العبيد متدفنيش و لا حسمي نورها ضي و لا حسمح لها تلمس وش حيت ولا تلمس تراب الحواري طول ما لساه مصر بتتعامل زي الجواري شمس العبيد متدفنيش و رافضك يا وطن عايش عوالة و نهضتك حبر ف ورق معدتش حدود القوالة و الجوع بينهش جتتي و مصر مصرة تعزق فدان سفالة يطرح عساكرت متسلحين بالندالة يكسروا أنف اللي صوته يعلي بالهتاف و يجوزوها سر و يتم الزفاف و اما نسأل مصر فين يقولك كلوها السبع العجاف يا ريته صوتي ما كان عشق .. طعم الهتاف و يا ريتك ياقلمت ما عشقت العفاف شمس العبيد متدفنيش دي الحرة من عرق الوراك ترفض تعيش و انت يا بهية يا ابية قولتي : يللا خليني اعيش و هيه تبقي عيشة .. ؟ لما شمسك متدفنيش و ابقي عايش علي خط العفن والسل طافح كحتي بالدم و انا كل همي ضحكتك و فديتك ف الميدان بالدم لما كان الجوع بينهش جتتك والهم شمس الذل غرقت ف بحر الدم ايه رجعها من تاني تشق صدر الموت ترعش ضلوعي فوق قلوع الخوف الاقي شمس العبيد فارشالي سكتها اطاوعها ازاي وانا الرافض ف حبك ابقي جبان رافض لكني جعان أموت ولا أني أعيش شمس العبيد متدفنيش وأنت مكسورة هما اللي بانوا واحنا اللي اختفينا م الصورة