البكي .. مُش دموع ولا الغربة .. سفر والنور .. مُش شموع ولا الجناين .. شجر الونس .. مُش رجوع ولا الدفي غطا والحب مُش خضوع ولا الجفي .. حجر ساعات جوايا يبكي وعيني ما تزورها الدموع وساعات ألقي خدي من غير دموع .. مندي وقلبي دبلان في الضلووكتير بحس إني في أرضي لكن غريب وخيالي بعدعني زي بعاد القريب وساعات في حضن الليل ألقي في عيني .. النهار وأحس إن العتمة بتنور الدوار ياما شفت جناين من غير شجر ياما حسيت البرد ياما شتت من غير .. مطر أبداً ... مُش شرط البكي دموع ولا الغربة .. سفر مُش لازم للنور شموع ولا للجناين .. شجر