البحيرة:- نشر موقع "يوتيوب " مقطعاً مصوراً لمدير أمن البحيرة اللواء مجدي أبو قمر, وهو يلقى كلمة وسط مجموعة من ضباط الشرطة متوعداً بالضرب والحبس وقطع الأيادي على لأوى محاولات عنف أو بلطجة. ونفى في الوقت نفسه تقديم أي من مساعدي وزير الداخلية إلى المحاكمة واصفا اياها بالشائعات . وتبلغ مدة مقطع الفيديو 3 دقائق و22 ثانية، لكن المتداول منه على نحو واسع عبر موقع فيسبوك مدته دقيقة واحدة و48 ثانية، ويظهر فيه اللواء مجدي أبو قمر وحوله عدد من قيادات ضباط المديرية، منهم اللواء محمد بدراوي، مدير المباحث، واللواء طارق هيكل، مفتش أمن الدولة بالبحيرة، في ساحة بنك القاهرةبدمنهور، ويبدو مدير الأمن محاولا بث الثقة والطمأنينة في نفوس ضباط وأفراد الشرطة الواقفين حوله، فيقول: "إحنا موجودين ورجالة، وبندافع عن المواقع بتاعتنا صح، وما فيش أي (..) يقدر يقرب منكم، وإحنا يد واحدة، وعمالين يطلعوا في إشاعات أن مساعدين الوزير يروحوا المحاكمة.. أنا بقى أمشى؟.. الكلام ده كله كذب، المقصود بيه يستولوا على البلد والسلطة، وأي شخص غلط لازم ييجي ويتعمل معه إجراء قانوني.. واللى يمد ايده على سيده لازم ينضرب بالجزمة". وتابع أبو قمر: "إحنا أسيادهم، وإحنا الأمن والأمان، والناس كلها كانت بتعيط وبتقول يا رب تيجوا عشان شافوا أيام سواد، والشرطة ليها قيمة، وإحنا لينا قيمة، ولينا وزن، ولينا وضع، والدنيا كلها ما تقدرش تعيش من غير ما تمشى في الشارع أنت وهو، بس وإحنا بنتعامل مع الناس المواطن العادى يجب تكون بأسلوب كويس، إنما المنحرف له معاملة خاصة، ويجب نقف ايد واحدة ولا نسمح بالكلام ده، شدوا حيلكم". وتدخل اللواء محمد بدراوى، مدير المباحث، وقال: "بصوا يا رجالة، السيد المدير عمل حاجة النهاردة أنا عايز أقولها لكم عشان تتعلموا، وكلنا بنتعلم من السيد المدير، المدير راح عند البنك في دمنهور، وكان فيه واحد مش عارف يصرف فلوس عند البنك، السيد المدير أداله فلوس من جيبه، وقال عشان ده لما يشوف العيال بتهتف، بدل ما يضرب طوبة يضربهم هم، الفترة الجاية عايزين نتصالح مع الناس الكويسة، ما فيش تعالي، يعنى عايزين بدل الناس ما تبقى معاهم تبقى معانا". وأضاف مدير أمن البحيرة في التسجيل: "الكلام اللي حصل ده، خلوا بالكم، اللي أضير منه الغلبان، والأمور زى الفل، وما فيش حاجة، وإحنا بنأدي عملنا". وأثار الفيديو استياء أبناء محافظة البحيرة التى خرجت بالآلاف للاجتماع فى مؤتمر حاشد لأول مرة أمام مقر أمن الدولة بمدينة دمنهور، للتنديد بخطاب أبو قمر، والمطالبة بمحاكمته، وإلغاء جهاز أمن الدولة، ومحاكمة قياداته بالبحيرة، وذلك عما ارتكبوه من انتهاكات خطيرة فى حقوق المواطنين خلال العهد البائد الذى أطاح بالرئيس المخلوع حسنى مبارك. حيث دشن أبناء البحيرة حملة على الموقع الإجتماعى الفيس بوك بعنوان (معا لإقالة ومحاكمة مدير أمن البحيرة بعد إهانته للشعب المصرى) والتى وصل عدد المشتركين فيها بعد أقل من 3 ساعات من إنشائها الى أكثر من ألف مشترك مطالبين بمحاكمته. وقال المشاركين ( لقد تطاول اللواء مجدى أبو قمر مدير أمن البحيرة على الشعب المصرى العظيم بعد ثورته المجيدة بالألفاظ النابية كما ادعى أنه ومن معه أسياد الشعب المصرى وأنهم يستحقون ? أى الشعب- الضرب بالجزمة ومما قاله : (اللى يمد إيده على سيده لازم ينضرب بالجزمة وتتقطع إيده وإحنا أسيادهم وإحنا الأمن واحنا اللى حاميينهم).
