اتجاهات

الجمعة /10/2/2012
محمد موافي:السلام عليكم ورحمة الله وبركاته الاحداث الاخيرة ما بتقولش انه فيه تغيرفي مصر قد ما بتقول انه فيه تغير في نفسية الانسان المصري اندفاعاته وقناعاته وقدراته الشارع بقى في حيرة مش عارف ايه اللي بيحصل منه وليه وامتى وازاي وماهو سبيل الخروج الامن لمصر من تلك الفوضى واحداث الفتن التي تقع بين الحين والاخر كل واحد دلوقت بقى شايف كل حاجة المفترض انها غير عادية وغير مالوفة بقت هي العادية وهي المالوفة لدرجة انه بقت مشاهد القتل والدم بقت شئ عادي جدا في حياتنا من كتر ما بنشوفها في وسط الاحداث دي تاتي الدعوة بالعصيان المدني في ذكرى تنحي الرئيس المخلوع من بعض القوى وسط حالة انقسام حاد من ذلك التوجه القادم مثل ذلك الى الاجهاز على البقية الباقية من عناصر او اركان الدولة في كتابه المشهور قال " جوستابلو فو " بيحذر من تلك الاجواء وبيشبه الجماهير الغاضبة بحبة رمل تذروها الرياح على هواها وبيقول في كتابه سيكلوجية الجماهير اللي كتبه من 100 سنة عن سلوك الجماهير لما بتغضب بيقول ان الفرد في وسط الجماهير الغاضبة بلا قيادة رشيدة كانه بينزل درجات على سلم الحضارة الانسانية باختصار احنا امام حالة مرضية مصر بعافية والمصريين يا كلهم بعافية ياقطاعات عريضة جدا منهم بعافية لما يكون منهم بعافية لما بيبقىعندنا شخص بعافية بنروحج بيه للطبيب ضيف اتجاها النهاردة طبيب بالاساس وطبيب نفسي ومتخصص جدا في هذه الشخصية الشخصية المصرية وله كتب اشهرها تشريح الشخصية المصرية وسقوط في الضمير بيتكلم على ضميرنا بقاله سنين فانا قلته له هتكتب ايه يادكتور دلوقت هل بقى فيه ثقوب ولا اتسع الخرق على الراقع زي ما بيقولوا ضيف اتجاهات على الصبح الالم المعروف الاستاذ احمد عكاشة رئيس الجمعية العالمية للطب وطبعالا الرئيس الحالي للجمعية امصرية للطب النفسي وحاجات كتير قوي لكن انا عايز اختصر المسالة الحكيم احمد عكاشة حكيم الشخصية المصرية نشوف التقرير ونرجع
تقرير "د/ حسن الشافعي- رئيس المكتب الفني لشيخ الازهر"
ايها الاخوة والاخوات اناشدكم الله تعالى له تعالى ثم لوطن واناشدكم باسم الازهر الشريف الا تعطلوا العمل ساعة واحدة وان تتمسكوا باداء واجبكم نحو انفسكم واهليكم ونحو وطنكم ومواطنيكم ولله رب العالمين في كل حين في هذه الايام خاصة التي تعرض فيها الاقتصاد المصري بسبب مواقفنا الثورية لهزة مؤقتة سوف يجتازها بعون الله ثم يجهودكم لا جهود غيركم لا تشمتوا العدو فيكم ولا تخذلوا الصديق وكفى ماتحملناه من اعباء وهناك من يريد لهذا الوطن بالركوع لا قدر الله ولا تستمعوا لدعاة الهدم وتعطيل العمل والفناء من بعض المغرر بهم او الادعياء الذين ينادونكم للتوقف عن العمل وخذلان الامل في اي يوم من الايام ولو استطعتم ايها الاخوة للعمل لانقاذ وطنكم وثورتكم 24 ساعة في اليوم الواحد فافعلوا استجابة لداعي الدين والوطن فان البديل هو الركوع والهزيمة والاستجداء ومد اليد للاعداء ولن يكون ذلك ابدا باذن الله ناصر المؤمنين لن يكون وقل اعملوا فسيرى الله عملكم ورسوله والمؤمنون وصدق الله العظيم وصدق الله عليكم ورحمة الله وبركاته " مشيخة الازهر
فاصل
محمد موافي :اهلا بحضراتكم مرة تانية اهلا بالاستاذ الدكتور احمدج عكاشة استاذ الطب النفسي دكتور شفنا بيان مشيخة الازهر الشريف حول الدعوة للعصيان المدني قبل ما اتكلم عن المصريين حضرتك كنت بتتفرج على البيان وباين ان فيه كلام عايز تقوله
د/احمد عكاشة: يعني باين انه فيه انقسام شديد بين فئات الشعب المصري على مسالة العصيان المدني عادة في اي حتة بيكون فيه عصيان مدني بيكون كل مجموع الشعب متفق على شئ معين للوصول الى شئ معين لكن اللي انا شايفه ان الاخوة اللي موجودين بتوع ثورة الشباب وغيرهم لما بيطالبوا بشئ انا شايف انه بيبقى فيه استجابات حقيقة بطيئة قوي ولكن الحاجات اللي طلبوها الاخيرة انا شايف انه في طريقها للتحقيق تماما فيها وبالتالي العصيان المدني فيه نوع من انواع – طبعا في رايي الخاص- الكارثة هتودي بشكل غير معقول بكل من بقى من الاقتصاد والسياحة والسياسة ومن هيبة الدولة عصيان مدني يعني اسقاط الدولة الدولة دلوقت مكونة من الحكومة ومجلس الشعب والثوار لكي تسقط الدولة والشرطة والمجلس العسكري دي فيها خطورة على الانهيار انت كنت بتتكلم على ثقوب الضمير انا شايف ان العصيان المدني هيخلي الثقوب تتسع بحيث انه بقى فيه شبه انفلات اخلاقي يؤدي الى مسار غير طيب ولذلك انتا انادي اللي بيطالبوا بالعملية انه يفكروا اسقاط ايه زيادة على الليب احنا اسقطناه
محمد موافي :طيب ما نسال احنا يادكتور ايه الهدف كان هناك هدف واضح لجموع الشعب او اللي كانت بتشارك معاهم مشاركة سلبية كان الهدف واحد هو اسقاط النظام بعد كده لقينا بعض الدعوات المتناثرة هنا وهنا باسقاط نظام الدولة نفسه والبدء من جديد دكتور احمد عكاشة انت تابعت بعض الثورات اللي حصلت المنطقة في العالم وفي اوربا حصل وفي اوربا الشرقية حصل حاجات فيما بقى من الاتحاد السوفيتي حصل حاجات يعني ممكن حضرتك تشوف ايه من الدعوات دي
د/ احمد عكاشة: تعرف ان فيه تدريب بيقوم بيه جهات مختلفة لشباب العالم كله في البلاد اللي تتسم بالديموقراطية والديكتاتورية علشان تحطيم هذه الديكتاتورية واسقاطها بطريقة سلمية من اكتر الناس اللي كتبوا كتب عن هذه العملية فيه واحد مشهور جدا اسنه"جين شارب" وواحد تاني طبعا "جورج سورس " كاتب واخيرا واحد اسمه "وليام ديلبرج" هؤلاء التلاتة كتبوا كتب بتقول ازاي تقوم بثورلاة سلمية ضد الديكتاتورية مين اللي بيمول دي هما عايزين يعملوا نوع من انواع الديموقراطية في البلاد الديكتاتورية مش لمصلحتنا ولكن لمصلحة خاصةبعهم استراتيجية خاصة بهم مش دا اللي يهمنا دلوقت لكن يهمنا بخطوات تستغرب جدا اوعى يكون لك قيادة لانه القيادة انت ممكن تتخلص منها او تقبض عليها لازم انك تعمل طلبات معينة منها العصيان المدني ولكن لازم نفرق حاجة انك انت متقدرش تطبق كل اللي موجود دلوقت لانه كل مجتمع مختلف احنا مجتمع مختلف وانت لسه دلوقت بتقولي المتنبي قال علينا ايه وحافظ ايراهيم ان التناقضات في المحجتمع المصري اكتر من التناقضات اللي موجودة في مجتمعات اخرى ورغم هذه التناقضات كنا ماشيين كنوع من اتنواع الوسطية والاعتدال طول ععمرنا يعني المصري بطبيعته يميل الى الوسطية والاعتدال
محمد موافي: مصر شكل لاارض اللي عايش عليها
د/احمد عكاشة: يعني برضه الارض اللي عايش عليها فيها مطبات ولكن برضه بتعدي ولكن اللي مخوفني في مسالة الثقوب والانفلات الاخلاقي اللي موجود دلوقت انكل واحد بيقول راي لا يستمع لراي الاخر يعني ثقافة العنف والعند اصبحت هي اللي تدير انه شايف انه حل اي مشكلة بالعنف يعني العالم كله فرح بالثورة المصرية انها كانت سلمية لكن انا شايف ان الفئات كلها تابتدت انها تتصارع مع بعضها ثبحيث ان المواطن المصري انا وانت والناس اللي بتجيني في العيادة كلهم في حالة اسى شديد جدا وفي حالة حيرة وفي حالة ارتباك وتشوش الوعي يقولك احنا مش عارفين نيجي مع مين احنا مش عارف اخد صف مين انا ساعات اخد صف المجلس العسكري ساعات اخد صف الشرطة ساعات اخد صف التيار الاسلامي ساعات اخد صف التيار الليبرالي ساعات اخد ثوار ساعات ابقى مع الالتراس فاصبحت ان انا لا انتمي لاي شئ اللي حاصل دلوقت فتت التماسك اللي كان موجود ودا من اخطر ما يمكن لان احنا عمالين نهدم بقالنا سنة وحتى المسرة اللي ماشيين عليها الثوار وبعض من الثوار هنا خدوا هذه الدروس موجودة يعنيوطالعين في اتليفزيون بره انا شفتها يتكلموا هما موجودين في هذه الاماكن خاصةالصرب وبلجراد من اهم الحاجات اللي احنا لازم نستوعبها ان احنا نشوف ان احنا مجتمع مختلف يعني مثلا اللي خحاصل في الانفلات بتاع التطاول شوف اللافتات والحاجات اللي مكتوبة
محمد موافي:هي ما تجيش في المصري ولا دي حقيقتنا يادكتور انا ليا رؤية متواضعة في اللي حصل في بورسعيد انه قد يكون هناك فلول او جماعات متطرفة تدعي الثورية قد يكون هناك تواطؤ من الشرطة لكن كل دتا مكانش هيحصل لولا وجود قطاعات من الممكن اللي نسميهم همج رعاع مش من بورسعيد ولكن في عموم مصر بتقتلالقتل سهل قوي والعنف سهل قوي
د/احمد عكاشة: هي زي ماقلت لحضرتك هناك ثقافة جديدة اسمها ثقافة العنف موجودة فيالعالم كله ولكن كلما كان الشعب محبط بمعنى نه كان عندهم امل ان احنا نوصل لشئ وما وصلنالهوش اكتر احباط ممكن يصيب قطاعات كبيرة جدا من الشعب المصري وخاصة شباب بلدنا من الثوار البطء في الاستجابة للطلباتى المحاكمات اللي بتحصل انا عارف انها محاكمات مدنية ولكن انت متقدرش تضغط على القضاء لازم يكون فيه مدة طويلة ولكن فيه ثورة تعمل انت محامكمة مدنية ؟
محمد موافي:والشباب مش هيقبل دا
د/احمد عكاشة: فيه اخطاء حصلت من لمجلس العسكري فيه بطء حصل من المجلس العسكري ولكن انا في رايي الخاص انهم ممارسوش الحياة المدنية 40 او 50 سنة في الحياة العسمكرية ودي مختلفة جدا عن الحياة النمدنية ويبدو للناس المدنيين اللي اختلطوا يهم انهم ما ادهمش او التصيحة مكانتش مظبوطة ازاي تتعامل مع المدنيين التعامل مع المدنيين مختلف جدا فكل اللي موجودين دلوقت ناس منضبطين يبغوا الاتقان والطاعةالعمياء يعني اتربوا بطريقة معينة فجم واجهوا هذا الشعب لكن اللي عايز اوصل له ان ثقافة العنف دي بتيجي ازاي انه فيه مجموعة من الناس اخلاقك مختلفة جدا عما تكون لوحدك فيه حاجة اسمها غريزة القطيع عارف القطيع لما يمشي راس القطيع في الاول وكل القطيع يمشي وراه اللي بيحصل لاي واحد فينا اذا قعد في مكان وحصل فيه عنف يحصل حتى في كرة القدم حتى واحد ابتدى يضرب وواحد ابتدى يخبط بتحصل هيستريا جماعية بعد كده يندم جدا على اللي عمله فالل موجود في مصر ان واحج بيعمل خطأ كله بيمشي وراه وهما مش حاسين بها
محمد موافي:كان زمان الواحد وهو صغير في المدرسة لواتخانق مع حد وضربه ضرة يروح البيت ويبكي انه ضميره مخنوق دلوقت مفيش الندم دلوقت سهل ان واحد يغز واحد والمصطلحات دي
د/احمد عكاشة: للاسف ان العالم كله بيواجه هذه المشكلة ان عواطف الانسان بتتجمد تدريجيا فبفي العالم كله الحب بتاع زمان والعواطف بتاعة زمان مابقتش موجودة ليه؟ عدد حوادث لااطفال ان الطفل قبل سن 16 سنة انه الطل بيكون شاف على الاقل 100 الف مشهد قتل ودم واغتصاب وبلطجة طبعا دا بيشوفوه ساعة او ساعتين المصري بيشوفوا قد ايه؟ بره ما بيبسمحوش للطفل المصري انه يقعد اكتر من ساعة ايه اللي بيحصل ؟ ان العواطف تتجمد لمشاهدة العنف ولاعواطف تقدم على العنف دون ذنب زي ما انت قلت دلوقت دون ان يشعر بتانيب ضمير او ذنب احنا كلنا كمصريين من كتر ماشفنا في حرب العراق يقولك مات 80 واحد ، مات 90 واحد مفيش واحد يتالم اللي حصل في مصر من ماسبيرو لمحمود للجمل انت شايف غازات شايف ناس بيتعوروا شايف دم دا بيسهل العملية ان واحد يقدم على العنف واخطر حاجة عدم وجود قانون ان كل واحد عايز ياخد حفه بنفسه
محمد موافي: او مش قلقان انه يتحاسب
د/احمد عكاشة: ليه عشان مفيش قانون انت عندك في كل بلاد العالم عندك من 4 الى 6% شخصيات اسمهم شخصيات اجرامية شخصيات مستهينة بالعادات والتقاليد بتاعة المجتمع هذه الشخصيات في السجون
محمد موافي: في مصر 6% برضه
د/احمد عكاشة: في مصر طلعتهم بره وموجودين في وسطيك دخلوا في الاقسام ودي حاجة مش معروفة مين اللي حرق الاقسام وهرب البلطجية مين؟ احنا مش عارفين دا اللي انا بقوله الضبابية وغياب الشفافية وغياب المحاكمة
محمد موافي: برضه انا مش عايزاخرج عن السياق انا سايب حضرتك تتكلم الدكتورعلي جمعة مفتي الجمهورية في تعليقه على مشهد حرق المجمع العلمي كان بيقول من هؤلاء وهو بيبكي كان شايف ناس بتحرق وبترقص يعني مش ممككن ان النسبة 6%
د/احمد عكاشة: دا اللي انا عاوز اقوله اذا انه 6% من 85 مليون دول شوية اطفال انت عارف عشان ياخدوا شوية فلوس ممكن ان يقوموا باي شئ حرق بيت او الهجوم على امه وابوه حتى لانه دول الضمير غائب يعني حضرتك عندك النفس اللوامة والنفس الامارة بالسوء والاتنين بيتخانقوا عشان النفس المطمئنة الجماعة دول النفس اللوامة مغيبة
محمد موافي:الشعب المصري على مراحل التاريخ كان يتغنى بالحشيش بس برضه مكانش مجرم ايه اللي حصل ؟
د/احمد عكاشة: انا مش عاوز امدح في الحشيش لانه مامعوش العنف الشديد زي بقية المخدرات دا بيبقى انسان معندوش حافز ولا دافع ولا اي شئ اللي عايز اقوله ان المصريين اذا كانوا طول الوقت بينفسوا عن نفسيهم ان المصري خنوع يؤله الحاكم وينفس عن غضبه بالنكت الى الان كل الغضب الموجود الشعب مش مبطل حتى الان انه ينفس عن الغضب بتاعنا لان النكتى عدوان سلبي اللي عايز اقوله المصريين لما بيلتزموا بالقانون بتلاقي الاخلاق كلها اتغيرت الانفلات اامني سببه غياب الامن وغياب الشرطة وبعدين انت ذكرت حاجة موجودة في بورسعيد التعصب الزائد في المشجعين وتاثير الاعلام لارياضي على ان احنا بنسخن الناس والى الان فيه قنوات خاصة بيثيروا الناس مش بيهدوا العملية الاعلام 70 او 80 سلبيات
محمد موافي:انا عايز اتكلم في ايجابيات
د/احمد عكاشة: انت سالتني عن السلبيات وانا قلت انه بيجي من المجتمع ما بنورهاش
محمد موافي:طيب يادكتور الفضائيات او البرامج الرياضية او السياسية دلوقت اللي بيقدم برنامج اكل بقى عاوز يقدم سياسة بقت الدنيا كلها ماشية في اتجاه الحدث
د/احمد عكاشة: على فكرة دا حاجة كويسة جدا ان الناس كلها مهتمة اللي بيضرب مولوتوف كل دا بيخليك حاجة من اتتنين يا اما تتجمل بعاطفتك او تشوف الناس بتموت وما تحسش او انك تقدم على العملية من غير ما تحس ولذلك انا ليا راي انه اذا عايز تضيف خبر على اللي بيحصل قوله مع الاخبار لكن 24ساعة انه فيه محطات تكون حاطة انا اعتقد ان هذا يعني تخريب في اخلاق الناس
محمد موافي:بنتكلم عن القنوات لكن اي مواطن بيتفرج ماهو برضه شايف الفضائيات يوم هنا ويوم هنا فيه بعض الشاشات بيمدح في المحجلس لاعسكري وبعيد يطلع يمدح في الثوار هل العلام ايضا هو المتسبب في خحالة الحيرة
د/احمد عكاشة: لا مش الاعلام وحده ما انت عندك انفلات اخلاقي دا سبب ، عندك اتنفلات اعلامي وامني لكن بما ان الناس الوعي بتاعها يعني محدش ليه نفس يتفرج عل فيلم كل الناس فاتحة عشان تشوف الاخبار في البلد ايهخ اللي حاصلة فلما يشوف مناظر العنف موجودجة قدامعه على طول يا انما هيتبلد وما يهموش حاجة يا اما هتشجعه وتسخنه انه يقوم بعنف زيادة ولذلك انا رايي وانصح كل الاعلام انا ما بخونش حد بس كل واحد بيعمل اتجاه مختلف وما يقبلش الاتجاه الاخر لكن انا بشوف ان احنا 24 ساعة بيقولوا على السلبيات ممكن انك تطلع وتوري قد ايه العصيانن المدني دا هيؤثر في الحجزء اللي فاضل انه ممكن يبقى فيه بعض الانتاج في مصر والنهاردة بيقولولك ان اعصيان المدني ما ندفعش ضرايب وكانما مصر دي مش بتاعتنا يعني ايه ما ندفعش ضرايب طيب الناس هتاكل ازاي وتشرب ازاي يعني اللي بيفكر في اعصيان لازم يفكر في ال85 مليون هما عاوزين افلاس البلد وانيار الجيش وانهيار الشرطة لكن ايه اللي عاوزينه انا نصيحتي للاعلام انها تنصح انا رايي اللي بيعملوا كده دول في مصلحة مصر لما شيخ الازهر يقولك فين العقلاء يقعدوا معاهم لكن كتير مكن العقلاء نزلوا يعهعني امبارح صديقي نقيب ااطباء نزل عشان يشوفراح انضرب طول قلت له انضربت طوب منين قالي معرفش انا كنت في وسط الناس واتضربت طوب يعني حتى العقلاء لما بينزلوا ما بيدهمش فرصة انهم يتكلموا معاهم
محمد موافي:طيب دكتوراللي بيحصل عند وزارة الداخلية ورضه اللي هيتبعوا دعوات العصيان المدني دي حالة ثورية ولا حالة غضب
د/احمد عكاشة: لما انت تكون في حالةغضب وحالة ثأر ما يبقاش فيه عقلانية ولا منطق بيبقى فيه حماس والثأر اللي بيحصل في الصعيد دي بتربي ابنها عى انه يقتل عشان يدخل يتعدم هو متربي للثار في ابوه اللي مات فلا شك لما بيمكون فيه ثقافة العنف وثقافة الثأر دا ما بيدكش العقلانية او المكنطق انت لازم توصل لهدف بتبقى حاجة همجية وحالة عشوائية يعني ايه اللي حصل في العنف غير الضحايا والعيال الصغيرين اللي ماتوا ايه النتيجة
محمد موافي:انا عاوزالاعلام نمن خلال الحكيم النفسي يقدم نصيحة للمسئولين عن الكرة او من بعض المسئولين عن لاالتراس يقولوا انه مفيش كرة تاني هتتلعب الا لما يتاخد حق اللي ماتوا في بورسعيد في ظل الدعوات دي الدوري واقف انما لم يلغ حضرتك شايف انه الاولى نقعد قد ايه مانلعبش كرة
د/احمد عكاشة: عشان تلاقي الناس اللي تاخد منهم القصاص لازم تاخد محاكمات عاجلة والقضاء مش عاجل اللي مستغرب له انه في انجلترا لما قامت المظاهرات 200 واحد اتحكم عليهم في خلال 10 ايام جندوا القضاء بالليل يحيث انهم حكموا علىهم في خلال اسبوعين
محمد موافي:وما سمعناش ان اعلى سلطة في انجلترا طلع عملت عفو عنهم
د/احمد عكاشة: لا لا اللي عايزاقوله البطء اللي موجود و90% من الشكاوى تبقى كيدية ولااشاعات كتيرة جدا كل واحد متضايق من اللي قدامه يروح يقدم شكوى في النائب العام ويعدين انائب العام هيعمل ايه هنجيب ناس منين يعني المبالغة المصريين عيبهم المبالغة والتعميم واحد قتل يبقى كل المصريين كذا لا ما نعممش يعني مثلا فيه شرطة غلطت فيه شرطة عسكرية غلطت بيتحاكموا يعني لنما المارينز اللي هما اقوى الجيش الامريكي لما تبولوا على الجثث بتاعة طالبان في افغانستان وطلعت في الصحف ما شتموش في الجيش الامريكي طلعت في الجرايد وقبضوا عليهم واتحقق معاهم وعملوا محاكمة فورية احنا عيب لما نعمم لما حدث خطأ من ضباط وشرطة كله وحش دا عدم نضوج عاطفي ان صوتانا عالي وبنتكلم كتير وطول النهار في اتوك شو بحيث اني بخجل اطلع في التليفزيون دلوقت الكلام كتير لكن التنفيذ مفيش احنا بندي النصيحة ومحدش بيسنمع النصيحة دا اللي بيخلي العقلانيين اللي عايزين يساعدوا في بلدهم التانيين ما بيستمعش انا عاوز ان احنا نستمع لبعضينا ونوصل لحاجة ونحب بعض
محمد موافي:طيب هنحب بعض ازاي يادكتور وحضرتك ايدت المجلس العسكري وانا ايدت ائتلاف شباب الثوار لو اتنين هيخونوا بعض على طول لو انت مش معايا يبقى انت ضدي يبقى انت ما بتحبش مصر
د/احمد عكاشة: عشان احنا ما بنمارسش الديموقراطية الصحيحة احنا بنحبي احنا الديموقراطية بتحبي الديموقراطية يعني قبول الراي الاخر انت الحمكومة مع التيار الاسلامي مع الثوار طيب انا بستمع لك وبحبك جدا فيه اتنين اخوات واحد سلفي والتاني ليبرالي الاتنين ما بيكرهوش بعض بس دا حاصل في اسر كتير دا اللي انا اقصده لكن الديموقراطية ان احنا نمشي مع الاغلبية مفيش اقلية في العالم بتمشي الاغلبية الى الانم مفيش فئة مش عايزة تكون اغلبية
محمد موافي:هل هناك مرض لدى معظم الاقلية وانهم غير قابلين لنتيجة لااستفتاء ونتيجة الانتخابات مش عايزين يتعدوها
د/احمد عكاشة: كل واحد على حسب الديموقراطية اللي على مقاسه الاجندة بتاعته رايي الصح وانتم كلكم غلط اذا كانت الاغلبيةمع البرلمان مع الحكومة مع الازهر مع رجال الدين بيقول ياجماعةالاعتصامات خطأ الفئة اللي موجودة اللي هي لا تزيد عن ربع او نص في المية عن جموع الشعب بتقولك لا هيبقى فيه اعتصامات
احنا عندنا مش عايزين نقبل الوضع
محمد موافي:نفسي اخد حاجات كتير العقلاء ما احنا احياينا نشوف عقلاء بس رايحين لحتة متطرفة قوي
د/احمد عكاشة: مفيش عاقل متطرف العقلانية واحكمة في الاعتدال والوسطية ، المرونة ذكاء كلما كنت ذكي قدرتك على المرونة وتقبل الراي الاخر والوسطية بتكون اكبر اشتري وعندهم حكمة لان التجارب اللي مروا بيها شافوا من الاندفاع والحقد والثار كل الحاجات دي انها ما تديش جودة حياة ما بتخليش الانسان سعيد
محمد موافي:دكتور برضه عندنا مرض تاني في وسط المكبار او العقلاء اسمه ظاهرة التكويش يعني انا بلاقي عالم او شيخ او شاعر هو في نفس الوقت عايز يكون ناقد رياضي ومذيع او عضو مجلس شعب ويكتب يعني هو بتاع كل حاجة هل دي بتساهم في الحباط
د/احمد عكاشة: لا هو غياب الثقافة العلمية اهم حاجة في الثقافة العلمية القدرة على التعاون وتجاوز الذات في حاجات كتيرة جدا يعني مثلا احنا مش احسن ناس في كرة القدم في العالم لكن تبص اللي بيلعب اسكواش بياخد بطولة العالم سباحة بياخد بطولة العالم رفع لااثقال لما تكون لوحدك لانه ثقافة التعاون بينا وبين بعضينا يعني حتى في البحوث العلمية كل واحد عاوز كل حاجة باسمه هو فكذلك اللي عاوز يكوش على كل شئ يعني انت عاوز تشتغل ممثل ومذيع وصحفي وسياسي ووزير صعب طبعا
محمد موافي: بتحصل ؟
د/احمد عكاشة: لا فيه طبيعة ناس كده لكن ثقتافة اتعاون مش موجودة عندنا يعني المصريين لانه احنا ماوزالت فيهخ ثقافة عندنا اللي هي ثقافة الفهلوة اللي عنده واسطة ومحسوبية اللي عنده اي شئ مكن يؤثر لكن اللي عنده ثقافة واتقان مش هيوصل احد مقولات الثورة الشفافية
محمد موافي:بعد الثورة لقينا انه المسيرة مستمرة انه نفس الشخصيات في كل امجالات انه اتغيرت الصور
د/احمد عكاشة: لا مش نفس الشخصيات لانه الثورة لما قامت لاثورة فكر مش سقوط نظام يعني اللي حصل ان الثورة لما قامت بكل الحاجات الكويسة فيه لكن الفكر الثوري ما امتدش للي بيحكم ودا كان لازم يبقى فيه حدج يقدر يطبق الفكر الثوري في الالة اللي بتحكم مصر دا مش موجود لانه الناس الي عهاشت 40 لاو 50 سنة بنظم معرفية في مخهم صعب انه تغيرهم فلازم تاخد دي في الاعتبار ان المد الثوري ماجاش في الفكر جه بس في سقوط النظام لكن احنا سنة دلوقت ما ابتديناش كل الاجندات في سقوط الانظمة في لعالم كلها لفايدتهم هما مش فايدتنا احنا وخد بالك من دي احنا عاوزين لفايدتنا احنا عاوزين نفرق بين اللي بيعملوه وبيغذوا الديموقراطيات دا لاجندتهم هما مش احنال احنا لازم نصحى اجندتنا غير اجندتهم لمكن احنا عاوزين الديموقراطية
د/احمد عكاشة: الاجندات اتلخبطت
محمد موافي:لا مش اتلخبطت انا ما بخونش حد كلهم وطنين لكن الاسلوب اللي ماشيين عليه مش هيوصلنا للهدف اللي هو البناء احنا في حالة مش كةويسة والمصريين نفسيتهم مكسورة اقسم لك ان انا في احد البلاد برة الراجل بتاع الجوازات في الميكرفون بتاعه قال انا عندي باسبور مصري اناس كلها راحت مسقفة بره في الخارج في اوربا شوف احساسي انا ايه فخر لمصر ونقدر نفخر بنفسينا بس لحد ما نقبل الاخر ونقبل الحوار ليه ننزل في الاعتصامات لاشديدة ليه ما نتحاورش ؟ لانه الاجندة بتاعة الناس لا تتحاور تعتصم وتعمل عصيان مدني وتطلب طلباتك لغاية ما توقع كل حاجة اللي بيسموه " الهدم البناء" يعني لازم هنهدم الاول بعدين نبتدي من اول وجديد انارايي ان لما نهدم كل خحاجة دا غلط
محمد موافي:في النظام السابق قلت ياجماعة الثورة اظهرت افضل مافينا واسوا مافينا وحصل هجوم من زميل في توك شو مشهور جدا ايه راي حضرتك انه داخل دجرثومة في كل حاجة داخل يقطع في بعضه
د/احمد عكاشة: يعني عملية الاصلاح وكان برضه الدكتورزويل قال انه انت لو عندك ورم في المخ وشلته لكن فيه ميكروبات موجودة في الجرح هتقدر تقول انك انت شفيت الميكروبات دي اللي انت بتقول عليها اسوا ماهو موجود انت شلت نظام لكن فيه حواليه لكن فيه حاجات مأثرة على اخلاق الناس لكن برضه التغير الاجتماعي ولااخلاقي
محمد موافي:التغيرالاجتماعي بيسبق التغيرالاخلاقي ؟
د/احمد عكاشة: انت غيرت النظام الاجتماعي لكن الاخلاق ما بتتغيرش لان الاخلاق تراكم ايوة الاخلاق بتيجي من البيئة والمجتمع لو المجتمع فاسد هتلاقي نفسك تنزلق في الخطيئة احنا في مرحلة انه الجرايم دي بتحاول نتخلص منها لانه الجراثيم دي كانت اسوا مافينا احتقان التهاب ودا عشان كده بالرغم من دا شايف ان كل المجموعات اللي طالعة كله بيخحب بله وكله بيخطئ ويصيب انا لا عتقد ابدا ان اخوانا في المجلس اعسكري والجيش انه ما بيحبوش مصر ولا التنيار الاسلامي ولا الليبراليين لا اعتقد اطلاقا انه الثوار ما بيحبوش مصر ولكن كله بيحب مصر بطريقة خاصة بتخلي البعهض يتشرذموا ان البلطجية دول مدفوع لهم من مين ودا شئ بليخلي الناس والشباب انه معرفناش اي تحقيق دي بقى عدم وجود الشفتافيةدي قابلة للاشاعات كطالما فيه ضبابية وغموض هتطلع لااشاعات وهتاثر على لاناس وعلى الثوار والبلطجية يعني حتى البرلمان دلوقت كل واحد بطريقة مختلفة فيه معتصمين وفيه مضربين وفيه زعلانين وفيه بيأدنوا في وسط مجلس الشعب
محمد موافي:دكتور في وسط كل الحاجات المتناقضة دي اختلال التوازن والتخوين عهل دي مرحلة اتنتقاليبة وبكرةاقفضل
د/احمد عكاشة: دا لازم الهدم اسهل من البناء هتعمل ايه بعد كده لازم هتبني انا شتايف ان احنا مناشيين ببطءكان مكن جدا في 6 اشهر اذا مكانش فيه اخطاء من الجهة الحاكمة في اتخاذ قرارات حاسمة مش القرارات اللي عاةوزترضي لاي فئة استحالة مفيش حد بياخد قرار سياسي بيرضي 60% او 70% والباقي بيبقى متضررين ولكن بيمشي القرار فاللي حاصل انه مفيش حزم ومفيش قانون والشرطة مش موجودة طيب تالمواطن يعمل ايه طيب اللي بيقولوا فيه اجندة وفيه حاجة طيب قولا لنا ياجماعة ما تسيبهمش يعني كلها حاجات مظهرية ان احنا نفرقهم في سجون مختلفة مش دلا اللي احنا عاوزينه احنا عاوزين مين اللي بيعمل كده
محمد موافي:طيب يادكتور امامنا حالة فلول او المودعين في سجن طرة مع اتهامهم بانهم بيعملوا الحاجات دي شخصية زي رموز النظام السابق الموجودين هل هذا الرجل عنده الدافع بالفعل انه يخرب ويتصل هو عايز يقول ياحيطة داريني
د/احمد عكاشة: انا شخصيا مقدرش اقولك هذا الكلام عشانم معرفش الحقيقة هل هو حقيقي حاجة من برة من جوه وهل اللي جوه مين؟ ولكن انا رايي انه جزء كبير جدا من اللي موجودين في السجن معتاقدين ان هما اتظلموا ولم يخطئوا وبالتالي ممكن تكونلكرامة الانسان يبقى عنده دافع انها تكون لا شعوريا انا معملتش حاجة بالعكس دا انا فدت وعملية انكار في جزء كبير منهم يعني محدش قال انا اخطأت في حق الشعب دا يعني مثلا اللي نصح مبارك انه يقول انا انكر الحاجات لا المفروض ما يقولش كده ابدا كان المفروضيقول انا الاول قبل ما ارد على سؤال حضرتكم ان اعتذر على لاشهداء اللي حصلوا ومكانش المفروض يحصل كذا وانا انكر
محمد موافي:لما مجلس الشعب بيشتغل يطلع واحد يقول لازم القصاص وحق الشهداء طب مين اللي قتل
د/احمد عكاشة: دي فجوة ومطالب الثوار هذا الكلام احنا بقالنا سنة مش اوزين تحكموا بس قولوا مين المتهمين
محمد موافي:طيب يادكتور الخطوة المتوقعة لتحويل المريض السجين الرئيس المخلوع الى مستشفى طرةدا ممكن يهدي الناس شوية
د/احمد عكاشة: المفروض دا كان يتعمل في الاول دلوقت متاخر لانه اذا حصل حاجة هيقولوا انتوا اللي نقلتوه هتشفي غليل ناس كتير جدا مش هو انه خد فلوس فغساد اخلاق المصري اخطر نمن الفلوسي الي اتهربت بس هو ما تحاكمش على دا
محمد موافي:فيه اشاعات انه بيهدد بالانتحار هل دراسة الشخصية هل ممكن يعمل كده
د/احمد عكاشة: انا اشك انه حد في شخصية الرئيس المخلوع انه يبقى عنده القدرة على التحمل والتغاضي عن ضغوط مآسي وانه بيفصل نفسه خالص لا شك انه في اسى وحزن ولكن اشك انه يعمل كده
محمد موافي:دكتور شكرا ولكن تختم الحلقة بروشتة المواطن المصري جالك يعمل ايه عشان يعيش سعيد
د/احمد عكاشة: هقوله انا رايي انه اللي بيقوم بيه شباب الثوار فغي بقاء المد الثوري هيخليك تعرف ايه اللي حصل في السنة اللي فاتت وان احنا في اي حاجة مية بتغلي بتحصل فوضى شديدة جدا لكن سرعان ما البخار دا بيهدى وهذا الشعب بهذه الشخصية والتماسك والشهامة ان انا متفائل ان نقدر نلم بعضينا
محمد موافي:يعني ينضم للعصيان المدني ولا ماينضمش
د/احمد عكاشة: انا رايي الخاص ان العصيان المدني لن يفيد مصر اطلاقا وزلكن سيسئ الى كل محجموعة في مصر اقتصاديا واجتاماعيا
محمد موافي:دكتور بكرة احسن لان شاء الله
د/احمد عكاشة: ان شاء الله
محمد موافي:ان شاء الله دكتور احمد عكاشة شكرا جزيلا لك للروشتة دي وشكرا لحضراتكم وانم شاء الله بكرة احسن لان هي دي مصر اللي ربنا قال عليها ادخلوا مصر ان شاء الله امنين دمتم في رعاية الله