إصحى يا نايم وحد الدايم يلا ع الميدان مصر ع الكورنيش بتتمشى وبتتعشى حرية بتغازل النيل يرد النيل يغازلها يفتحلها قلبه تحكى ويحكيلها يتذكروا عشقهم رد التاريخ شاهد يتذكروا كام طاغية ع الأرض داس وف النهاية إنداس يتذكروا المماليك والإنجليز يتذكروا العسكر يطلع أذان الفجر م الأزهر الله أكبر كل الميدان كبر إسلامنا دين الوسط منحبش المغالاه وبنكره التفريط يفضل إمامنا أزهرى عالم لكنه بسيط إصحى يا نايم وحد الدايم يلا ع الميدان