تشارك بدور ويبقى لولادك فى بلدك مكان تعالى قابلنى وعلمك معاك أنا فى انتظارك فى قلب الميدان فى قلب الميدان الحبايب كتير معاهم نحقق آمالنا الكبير معاهم ننادى بدستور جديد وننسى هناك العميل والجبان ...... إذا كنت بتحب تسعد ولادك ومصرى وبتحب نهضة بلادك وعندك أمل بكره يبقى جميل وبكره اللى جاى يبقى ملك لولادك تعالى قابلنى فى قلب الميدان عشان ليك وليه فى قلبه مكان هناك فى الميدان حط صورتك معايا وسجل بأيدك شهادة ميلادك ...... إذا كنت عايز نكون أمه حرة غنية وولادك ماتطفش بره وعايز تكون مصر دولة جميلة وتعلى وتفضل على الدهر دُرة تعالى نروح الميدان بكرة بدرى ولما الديابة تشوفنا هاتجرى كفاية اللى فات واحنا نايمين يا صاحبى وقضّينا يومنا على لقمه مُرة ...... إذا كنت عايز ؟ وعارفك فى نفسك تكون مصر أجمل بلد فى الوجود ونفسك تشوفها كبيرة وعفية ونفسك تشوف فيها مجد الجدود تعالى هانسهر سوى فى الميدان ونطرد فلول النظام الجبان واسمى واسمك هايفضل هناك مُسجل بأيدنا فى كتاب الخلود