قال الإعلامي حسانى بشير، المذيع بقناة "القاهرة الإخبارية"، "أولادى وعملى كل حياتى، ويؤرقنى هاجس الأولاد، وانا من عائلة بسيطة صنعت نفسى بنفسى، وأتخوف من التأخير عن العمل وعدم الالتزام. أضاف حسانى بشير خلال استضافته فى برنامج "معكم منى الشاذلى"، الذى تقدمه الإعلامية منى الشاذلى على قناة on، حصلت على أحسن مذيع ل 5 سنوات متتالية فى قطاع الأخبار بدون أى واسطة. تابع حسانى بشير:"عندى 6 أشقاء بنات، و3 بنات أبنائى يعنى شايل حمل 9 بنات، وهمهم ومشاكلهم، وابويا كان يقولى خاف على البنت أكتر من الولد، وانا ولد وحيد على 6 بنات". ولفت حسانى بشير إلى أنه والدته ذهبت للشيخ الطيب أبو الدكتور أحمد الطيب، شيخ الأزهر، وقالها، وهى حامل فيا :"هجيبى ولد سميه الطيب الحسانى"، فسمونى الحسانى، وفى البيت الطيب. أوضح:" قالت لى أمى: "سميتك حسانى الطيب علشان الموت كان فى زماننا قريب، ولما ييجى الموت يقول فين الطيب حسانى، فيمشى ويسيبنى، ولبسونى حلق ذهب فرعونى اسمه "الخرس"، علشان أعيش، وكانوا يودونى المقابر علشان الحسد وأعيش". وذكر:" بلدى اسمها قوص، بجوار الأقصر، وبها سر التحنيط، وذهبت لقرية بجوارنا عند "ست"، وطلبت منها تشيل الحلق من ودنى فسالته، فامى شافت ودنى من غير الحلق فقالتلى:"كدة هتموت"، ولما حصلت على المركز السادس فى الثانوية على المحافظة أمى لبستنى جلابية فوق البنطلون وكأنها قميص علشان أقابل المحافظ، وانا بعتبر أمى كعارفة ومن أولياء الله الصالحين وكتبت فيها شعر.
