قال الشيخ عويضة عثمان، أمين الفتوى بدار الإفتاء المصرية، إن كل شخص لديه أى هموم أو مشاكل فى حياته يلقى الأمر برمته على السحر، لافتا إلى أن هذا الأمر بعيد عن اليقين بالله والثقة بالله. وأوضح أمين الفتوى بدار الإفتاء المصرية، خلال حلقة برنامج "فتاوى الناس"، المذاع على فضائية "الناس"، اليوم الخميس: "أصبح الناس الآن لو حصلت له نكبة أو أى تعثر يلجأ لأمرين إما فلان حاسدني أو حد عامل سحر، وهذا خطأ عظيم لابد أن نفهم أن الله هو المدبر لشئون الناس". وتابع: "سواء سحر أو حسد، مفيش حد هيضرك إلا بإذن الله، السحر موجود والحسد موجود، دى أنواع من الشر يؤذى اراد الله أن تكون موجودة فى الكون، كابتلاء لعباده". واستكمل: "تعمل إيه لازم لما تقول فى سحر أو حسد، تلجأ إلى الله وتقول يارب، ولا تروح لساحر، مفيش ساحر دول مش سحرة، والموجودين دول دجالين وبيأكلوا عيش على قفا الناس، كل دول ناس لا هى فاهمة ولا عارفة حاجة، ده طريق بيجيب له فلوس".