"التقيت كريم عبد العزيز فى (الاختيار) وحسيت بإحساس مهيب طاقة غريبة، كريم عينيه كانت مختلفة، وكان فى حتة تانية من التمثيل، شدنى كالعادة هو يستفز فيك فكرة التحدى، بحيث أقدم لك زى ما أنت بتقدم"، بهذه الكلمات تحدث الفنان ماجد الكدوانى عن كواليس مسلسل "الاختيار" واصفا التجربة بأنها عظيمة وستبقى للتاريخ. وعن الكيميا بينه وبين كريم عبد العزيز علق الكدوانى بقوله: فى يوم من الأيام كريم جالى وقال لى أنا حاسس بيك بس تعالى نتفق اتفاق، إحنا نستخبى فى الشخصية أوى ونصدقها أوى ولو ضحكنا تمام ولو ما ضحكناش أدينا مستخبيين، قولت له الله يريح قلبك وبقى ده منهجنا فى الحياة". وعن مشاركة الفنان أحمد مكى معه فى الاختيار قال ماجد الكدوانى: "كان عندى مشكلة واحدة مع مكى كنا كل ما نبص لبعض نضحك إنى أشارك معاه فى حاجة جد ده لأ إحنا جايين من "طير أنت" و"لا تراجع ولا استسلام". وعن دوره فى فيلم "كباريه" أكد الكدوانى أنه اعتذر فى البداية لأن الدور كان جديدا عليه لكن مجرد قراءته للسيناريو اقتنع وكان الدور بمثابة صفحة جديدة بمشواره الفنى.
