قلنا خلاص مات التعبان وسمه من تحت الأنياب نازل كما سيل بيخطط قطعنا راسه بعيد عنه وديله عمال يتنطط حطونى بين ديله ونابه خلوا الحبايب يتاغبوا حتى القرايب راحوا بعيد مفضلش غير سمه ونابه يا إما أشرب بإديه من سم نقاع يإما يدونى ببلاش.. أول جرعة خايف عليه من أيه يا طبيب!! مع أن تعابينه بترعى فى المزرعة بفمتو وسرعة وعقربة كئيبة وصالعة راشقة زبانتها الوالعة فى قلبنا.. ومهيش طالعة ألا ما تاخد تعابينها م المزرعة على جوز مراجيح والوغد نايم ف سريره والحلم متحقق ومريح وأجرت من أمولنا كام بلطجى ومافيا وشبيح وكل مأبعدهم يجيوا بضرب وشتميه وتدبيح هو أنتوا واخدينا وسيه؟ وتنزلوا فينا أزيه يأما ندفعلكوا ديه! مين اللى مفروض يعاقبكم.. على أفعالكم عملتوا عرض فى أسوئكم.. ما أسوئكم كل اللى يسفك دم شهيد ياخد عليه جركن ملتوف ومطوة أو سنجة هدية هو وانتوا مش واخدين بالكوا إن الجميع فجر ثورة لكن فلول أبو جلد سميك قاعدين وكاشفين العورة وأنتجوا لينا مسلسل ورشوا على كل الأحداث جنزبيل.. شطه.. وفلفل قرد وخرج من زنزانة وهربوه وكان متسلسل والحبل والرق ف أيديهم ممكن يغنوا له ياميمون أو يطلقوه زى المجنون نهاب بيسرق قوت الناس نتاش بيهبش وبيخطف قالها الكئيب أبو دم تقيل .. بخباثة وبصوت مستعطف ياما حكمى يالفوضى ودا اعتراف انه ملوش أصل ولا أيزو ولا درجة جوده قالها بصوت واطى مجلجل إن سيبتكم ها تشوفوا الويل وطريقى لافف متعرج .. وبدون عودة أنا سيبت بينكم أولادى وطرف خفى وأيدين تالته وفلولى مندسين بينكم تمويل دول بترول ميكى منظمات ضغط أوربى على أمريكى كتل سياسة بدون ساسة على خلطة دين مرشوش عليهم ليبرالى ومستقل وفئويين دا غير شرازم الائتلافات والاختلافات وكل دا على مجلسنا تحيه من بعد يناير أنتا حبيبنا ومئنسنا بس أنتوا يا جنودنا ألإبطال أيه اللى دخلكوا فى لحظة مريبة .. بين الساسة دول تعالب وأرانب .. وصفقة مليانه نخاسة اللى بيخرج من بينهم دا أكيد مولود لو حتى ها يعيش فى تعاسة
