"أنا مش وارثة ولازم أنزل أشتغل، فتلككت إن الباروكة بديل الحجاب".. بهذه الكلمات حكت الفنانة هالة فاخر عن فترة ارتدائها الحجاب وكيف ظهرت على الشاشة بالباروكة. فى تصريحات تليفزيونية، قالت هالة:"حسيت إنى عايزة أتحجب وما فيش حد أثر عليا، ولا روحت دروس دينية، وروحت الحج قبل ما أتحجب وقعدت محجبة حوالى 4 أو 5 سنين".
وتابعت: "الشغل بقى محدود وأنا مش وارثة، فتلككت إن الباروكة بديل الحجاب وده مش صحيح طبعًا.. الباروكة بتحلى أكتر ويا تتحجبى يا ما تتحجبيش وأنا كنت متلخبطة ما بين الحجاب وخلعه، وكان لازم أخلعه علشان أشتغل وربنا غفور رحيم".
وعن شعورها بعد خلع الحجاب، علقت هالة فاخر: "لما أنزل من البيت أحس إنى ما كملتش لبس هدومى من غير الحجاب، ده كان شيء بينى وبين ربنا بدون الرجوع لأى حد وما فيش فنانة حاولت تاخدنى دروس دينية لكن فى بعض الحالات كنت أستشير الفنان مجدى إمام لأنه معتدل جدا".
