قدرات خارقة وقلب فولاذى تتمتع بهما شقيقتان من محافظة الدقهلية ملك وحسناء 4 أعوام و 7 أعوام ، الذان وجدا فى الحياة ليجدوا منزلهم مليئ بالحيوانات المفترسة من ذئاب وكوبر مصرية وأناكوندا وتماسيح وسحالى وحرباء وغيرهما من الحيوانات الغير أليفة . ملك وحسناء ولدا لأب صياد وعارض فقرات فنية فى السيرك، فقد اعتاد اصطياد الكوبرا المصرية والحرباء والذئاب وجلبها إلى منزله لتربيتها وترويضها ومن ثم استئناسها فى منزله الذى تحول إلى شبه حديقة عندما تسير فى أرجاء تجد حيوانا غريبا عن الآخر ودون أن تشعر تجد التمساح يخرج من أسفل أريكة أو ثعبان ربما جلست عليه دون أن تشعر.
وفى حلقة جديدة من برنامج "فتحى شو"، تقديم محمد فتحى عبد الغفار، حاور والد الفتاتين الذى أكد قائلا، "انا صياد وبعمل عروض فنية فى السيرك الخاص بيا فى محافظة الدقهلية ومن ساعة ما اتولدت وانا بصطاد لان ديه مهنتى الاساسية اللى بحبها وبحب تربية الحيوانات ولما ربنا رزقنى بملك لاقيتها لوحدها بتحط الاكل للتمساح وتلعب مع الاناكوندا".
وتابع، "لاقيتها مستمتعة وهى بتعمل كده وقلبها فيه الجينات بتاعتى جامد، وفى مرة كنت فى عرض لعروض السيرك لانى بقدم فقرات قوى خارقة وبلعب مع الكوبرا وكذا عرض تانى، فا كنت مجهد جدا ونزلت من على المسرح قعدت شوية ارتاح وفجأة سمعت الناس بتصقف جامد ويهيصوا ببص على المسرح لاقيت بنتى ماسك الكوبرا وبتلعب معاها".
وأردف، "عمرى ما اجبرتهم على حاجة، هما اللى حبوا الشو واللعب مع الحيوانات وبياكلوهم ويلعبوا معاهم، ملك اللى بدأت الأول فى ترويض الحيوانات ولما ربنا رزقنى بحسناء الوضع كمان أصبح ان حسناء بدأت تغير من ملك وبقت تعمل زيها، عندهم قدرة غير عادية كأطفال انها يلعبوا مع الكوبرا المصرية والاناكوندا والتمساح مش بس كده هما ملمين بمعلومات كبيرة جدا عنهم".
وقالت الطفلة الخارقة "ملك"، "انا عندى 7 سنين وبدأت ألعب مع الحيوانات ديه من سن 4 سنين واختى دلوقتى حسناء عندها 4 هى كمان بتعمل زى ما انا بعمل وبتحب الحيوانات جدا وبتروضهم وبنحطلهم الاكل لما بابا بيصطاد السمك بنحطه للتمساح وبرضه الفراخ والفئران بنحطهم للأصلة أو الاناكوندا لانهم لازم ياكلوا عشان يعيشوا، واحنا بنحب اللى بنعمله ده".
