وأنا واقف على الجلسات نفسى أشوف متهم واخد عشر سنوات ونفسى أشوف اللى قاتل فى الحبال مشنوق ونفسى أشوف اللى ناهب خد عشر رصاصات ...... طال انتظارى ولسه العمدة بالتعيين ولسه شيخ البلد مغرور وكرشه سمين حتى المحافظ بييجى بالقرار من فوق وقولنا عيب الخداع لكن تقول يا مين ...... لسه فلول النظام بيبهدلوا فيه وغيروا اسمهم لكن الوشوش هيه وغيروا وبدلوا يا دوب أماكنهم وشالوا عشرين حنش وسابولى ميت حيه ...... خايف يكون العذاب مكتوب على جبينى علشان رفعت العلم ضاعت فداه عينى وأخويا مات فى الميدان قالوا مامتش شهيد يارب لجل النبى قادر تنجينى