علق الإعلامي عمرو أديب، على فتح الحياة الاقتصادية في الدول الأوروبية التي تضررت من فيروس كورونا، وقال: "الناس بعتالي صور المطاعم والشواطئ في باريس وروما وبريطانيا، يا جماعة إحنا في مرحلة تانية غير اللي فيها الناس دي، الناس دي خلصت كل حاجة خلاص، وفي التفسير الأولي هما في مرحلة تانية وبيقولوا خلصنا، وكسروا الفيروس، لكن إحنا عندنا الفيروس المفروض إما في ذروته أو رايح في السكة في ذروته، وفي الحالتين أنت في مرحلة مختلفة". وأضاف عمرو أديب، خلال برنامج "الحكاية" الذي يذاع على قناة mbc مصر: "اللي في أوروبا ده إحنا مالناش دعوة بيه، ولا تحاول أن تجرب هذا الأمر، إحنا دلوقتي في مرحلة الكمامة، واللي عاوز يجرب يجرب، عاوز تلعب مع الأسد العب ورينا هتعمل إيه، هما جربوا كل حاجة إصابات ووفيات بالآلاف، وفي نفس الوقت المملكة العربية السعودية أصدرت قرار أنه في مدينة جدة تعود مرة أخرى القرارات الاحترازية وعودة حظر التجوال من جديد، لأنهم شافوا أن الأزمة لسة مخلصتش". وقال: "أنت قررت أن الموضوع ياخد وقت أطول وأنا بقولكم أصبروا، محدش يعرف الموضوع ده هيخلص أمتى، كل دولة في العالم لها توقيت معين تقدر من خلاله تقول إن الموضوع بالنسبة لها انتهى، زي ما حصل في تونس، الناس دي عندها صفر إصابات، وأنا شخصيا توقفت عن مراقبة الأرقام، سؤال مهم، هل هتقدر تعمل كل هذه الإجراءات اللي بتحصل في السعودية عشان تفتح المساجد؟". وأضاف عمرو أديب: "الفتح أصعب من الإغلاق، الناس اللي بتتكلم في فتح المطاعم والكافيهات، الموضوع صعب ومحتاج عدد كبير من المتطوعين وأجهزة قياس درجات الحرارة، الناس بتقول شوفوا الناس في أمريكا بتنزل وبتتظاهر في وسط الأزمة ومش لابسين كمامات، وأنا شخصيا معنديش تفسير طبي، لكن الشىء الوحيد اللي أقدر أقوله أنك يجب أن ترتدي الكمامة وتغسل يديك طوال الوقت". كورونا فيروس كورونا اوروبا الدول الاوروبية اخبار الموضوعات المتعلقة وزيرة الثقافة تطلق سلسلة لقاءات فكرية عن توجهات عظماء المبدعين المصريين الجمعة، 05 يونيو 2020 10:08 م محافظ الدقهلية : 464 حالة إجمالى الإزالات حتى اليوم الجمعة، 05 يونيو 2020 10:05 م محمد عثمان المستشار القانوني للأهلي يتقدم باستقالته من منصبه الجمعة، 05 يونيو 2020 10:04 م شكوى من تهالك عامود إنارة فى حاجر السباعية بمحافظة أسوان الجمعة، 05 يونيو 2020 10:00 م كل ما تحتاج معرفته عن لعبة PUBG ومطورها.. بعد أزمتها الأخيرة الجمعة، 05 يونيو 2020 10:00 م