العيب اللى كان أيه؟ العيب إنك كنت دكتاتور أوى *** عنيك مش شايفه الضعيف ويا ألف خسارة بتخاف م القوى والغلبان مش لاقى الرغيف وجوعه بسعدك وبفرحك أوى *** سايب الغيلان تاكل فى لحوم البشر سايب الكبير يكبر ويظلم أوى سامح للديدان فى قلب الوطن تنتشر والفقير ينداس تحت مداس الغنى *** سايب ابنك يبيع ميراث قبل ما يورثه علمته إزاى يدهس الغلبان ويهرسه علمته البلطجة رغم صغر سنه أمرت الجميع يشوفه يبتسم ويضمه *** عارف يا ريس العيب كان أيه العيب إنك كنت ديكتاتور أوى *** راضى إن الفقير لو مات ميلاقيش كفن ولا حتى يلاقى قبر فيه يندفن والمريض فى مستشفيات الجبالى يترمى لحد ما يموت أو يصيبه العفن *** راضى إن العامل ميلاقيش ياكل رغم أنه شغال فى العتالة والوزير نازل طالع واكل وبيرمى اللحمة فى الزبالة *** راضى إن الراتب ياريس ميكفيش حتى البقالة وشايف رجال أعمال يا ريس بصرفوا ملايينهم فى الرذالة *** عارف يا ريس العيب كان أيه العيب إنك كنت دكتاتور أوي *** شايف وراضى وساكت وقابض وناسى إن مهما زاد غناك جايلك ملك للروح قابض بكنوز العالم ما يتوارث معاك *** شايف إن الفقير مظلوم وحقه فى عزبتك مهضوم وناسى إن دعوت المظلوم مهما غابت جيلها يوم *** وأنت عايش سعيد ولا همك غير سوزان وعلاء وجمال هما دول كانوا كل أملك وناسى إن دوام الكرسى محال