تلاتين سنه عدوا عليه وأنا خايف من حد ظالم من ربنا ما كنش خايف *** كان فاكر عهده ما لوش نهاية شلته الفاسدة بلغوه ولائى رغم إن عمره ما نال رضايا وخوفى لوحده اللى غط استيائى *** وفجأة .. زى حلم جميل الدنيا اتغيرت ثورة .. بشباب جميل فى لحظة قررت *** تفتح الصدور تخرج الكلام تهدم بالكلام حيتان النظام ترجع للشوارع روحها اللى تاهت تهدى لأحلامنا مفاتيح اللبيبان *** زال النظام والخوف زال معاه رجعت لبشرة وجهنا الحياة رغم الشهيد اللى فات ألف آه رغم الشعب اللى انداس فى الميدان *** لأن الشهيد اللى رجع هبتنا فاز فى الجنة بأجمل مكان هد الحكومة اللى صنعت خبتنا خلا بيوتنا أمن وأمان *** الشعب انداس من أجل الكرامة اللى غابت سنين فى ظل النظام وبثورة عافية فيها إرادة فض النظام الخسيس الجبان *** إيد الشهيد والشعب عافية هدمت حقيقة كانت جايه اسمها توريث أم الدنيا لأبن رئيسنا اللى اسمه جمال *** ميت ألف بوسة على خد الشهيد ميت ألف وردة على قبر الشهيد ميت ألف شكر للشعب المجيد ميت ألف صفحة فى التاريخ للميدان *** وأنتم يا أهلى يا أهل الشهيد دموعكم عارفها تفك الجليد بقلبى وقلب الشعب المجيد دعانا يارب يزدكم إيمان