فى يناير خمسة وعشرين ثار الشعب على الفاسدين مصر انتفضت فجأة وصبحت كل ولادها صلاح الدين خرج المصرى بحول الله قال دى قضية موت وحياة ح أرجع مصرى حر وعصرى وأملا فضاء الكون وسماه ثورة اتحدّت سيف القهر ثورة ودم شبابها المهر أمل الأمة فى كشف الغمة ثورة ح تبقى حديث الدهر ثورة بدأها شباب أحرار رفضوا الذل ومسحوا العار قالوا بلدنا وأم ولادنا مش ح نسيبها فى ايد تجار مصر نادتهم لبوا نداها هما جنودها وهما فداها يرخص كل الغالى عشانها واللى عشانها يموت أحياها اعلى ياثورة بصوت الحق قولى لظلم الظالم لأ بعد العتمة وكبت الكتمة طلع الفجر بنوره وشق غنى ياثورة مع الثوار هاتى ماعندك من أخبار فى التحرير الصوت بيدوى وبتتهز معاه أقطار خبى يامصر ولادك خبى م اللى بيحسد واللى معبى شهد العالم ليكى وقال والله يامصر عرفتى تربى