يا رب نجى مصرنا يا رب قويها يا رب احفظ أرضنا من شر أعاديها قتلوا مئات الشباب والقلب فيه حٌرقة والأمن زى الضباب راح واختفى فجأة لكن ولادك يا مصر بالحب حاميينك ما هو أنت غالية يا مصر واحنا محبينك تحية للجيش الهمام اللى رفع راسك بيحمى فيكى السلام وللزمام ماسك تحية للشهداء اللى رووا أرضك فى كل متر بدماء بيحافظوا على عرضك تحية لولادك شباب ولاد وبنات قالوا الوطن للكل وكلنا إخوات وفى النهاية أنا عايز أقول للرئيس كلمة لو زى ما بتقول مصر عليك غالية حافظ على اللى باقى منها دى البلد خربت و كفاية دماء الشباب على أرضها اتهدرت كفاية بقة ده الشعب مش لاقى حتى العيش كفاية ظلم وقهر وخللى مصر تعيش فكر يا ريس فى الكلام وبقلبك انت أعقله خللى البلد تبقى فى سلام وصلى لربك واسأله يهديك ويغفر لك ذنوبك وعن عنادك يبعدك مش جوه مصر تخوض حروبك معقولة ده شىء يسعدك يا رب اهدينا جميعاً وبالمحبة افتح قلوبنا يا رب إحفظ بلدنا وده كل مطلوبنا يا رب نجى مصرنا يا رب قويها يا رب احفظ أرضنا من شر أعاديها
