بحلف بيكى بحلف لسه بضى عنيكى لسه وطول ما القلب بينبض بشكر وأحمد ربى عليكى لسه يا بلدى رغم سنين الغربة وطولها لسه يا مصر بفخر بقولها مصرى وحبك جارى ف دمى وانتى الحضن الدافى يا أمى ومفيش شىء فى الكون يغرينى أو عن حبك راح يغنينى وأما أشتاق ويفيض بى حنينى بارجع وألقى الشوق ف عنيكى لسه يا بلدى فاكر أيوه يا مصر أنا فاكر عمرى ما كنت لفضلك ناكر وأنكر إيه واللا أنكر ليه مين راح ينكر فضل عنيه أنكر انك أرض جدودى مش معقول مش معقول انك روحى وسر وجودى مش معقول مش معقول عمرى ما أعدى معاكى حدودى وانتى ف غنى عن كل القول ومفيش شىء فى الكون يغرينى أو عن حبك راح يغنينى وأما أشتاق ويفيض بى حنينى بارجع وألقى الشوق ف عنيكى لسه يا بلدى عشت ف حضنك ماضى زمانى كان لى طموح وآمال وأمانى وما اتمنيتش ولو لثوانى غير موانيكى يكون لى موانى بس مادمت لخيرك با سعى برضى ببعدى وطول حرمانى ويصبرنى ف بعدك عنى انى مسيرى راجعلك تانى ما انتى مكانى وانتى زمانى بر أمان مخلوق علشانى ومفيش شىء فى الكون يغرينى أوعن حبك راح يغنينى وأما أشتاق ويفيض بى حنينى بارجع وألقى الشوق ف عنيكى لسه يا بلدى ياللى بيحلى كلامى ف سيرتك ياللى بشوف أحلامى ف صورتك من غير ما أبعد عارف قيمتك عارف إنى ح اتوه لو سيبتك وإن كنوز الدنيا بحالها مش ح تقسى القلب عليكى ولا ح يهون البعد عشانها ولا ح تقلل شوقى إليكى دا مفيش شىء فى الكون يغرينى أوعن حبك راح يغنينى وأما أشتاق ويفيض بى حنينى بارجع وألقى الشوق ف عنيكى لسه يا بلدى