عبد الرحيم على يفضح مخططات داعش فى حلقة كشف المستور ب"على هوى مصر".. نائب البرلمان: التنظيم الإرهابى خطط لاختراق الجيش المصرى منذ 1946.. ويؤكد: محاولة اغتيال السيسى استهدفت ولى عهد السعودية

كتب أحمد عبد الرحمن - إبراهيم حسان
66 متهما اعترفوا بتسليح حماس لولاية سيناء
البغدادى طلب من ذراعه الأيمن فتح مصر مقابل 100 ألف دولار

كشف الدكتور عبد الرحيم على، عضو مجلس النواب، عن تفاصيل محاولتى اغتيال الرئيس عبد الفتاح السيسى، مؤكدا أن القضية كبيرة وضخمة، حيث تداخل بها 22 خلية إرهابية، و292 متهما منهم 132 هاربا و7 أشخاص تم استبعادهم من القضية و151 مقبوضا عليهم الآن.

66 متهما بالقضية اعترفوا بتمويل حماس لولاية سيناء
وأضاف "على"، خلال حواره مع الكاتب الصحفى خالد صلاح، ببرنامج "على هوى مصر" على فضائية النهار one، أن 66 متهما بالقضية أدلوا باعترافات خطيرة أهمها أن حماس تقوم بالتمويل بالسلاح والتدريب لولاية سيناء، لافتا إلى أن هذا التنظيم يتبع "داعش" فى العراق والشام، مضيفا: "كانوا عاوزين يسموها زمان ولاية أرض الكنانة".

محاولات اختراق مستمرة للقوات المسلحة والشرطة
وأوضح عبد الرحيم على، أن هناك محاولات اختراق مستمرة للقوات المسلحة والشرطة المصرية، قائلا: "منذ عام 1946 يحاولون اختراق الجيش المصرى والشرطة المصرية، والجيش بعد ثورة يناير غير ملابسه لأكثر من مرة".

وكشف الدكتور عبد الرحيم على، عضو مجلس النواب، عن تفاصيل محاولة زرع تنظيم داعش فى سيناء، حيث بدأ الأمر بالتواصل مع حبارة فى أغسطس 2013 عقب مذبحة رفح الثانية 18 أغسطس 2013، ولكن بعد القبض على حبارة فى سبتمبر 2013، بدأ تنظيم داعش التواصل مع جماعة أنصار بيت المقدس ديسمبر 2013.

أنصار بيت المقدس تبايع داعش فى 14 نوفمبر 2014
ولفت إلى أنه بعد عدد من العمليات الصغيرة أعلن أنصار بيت المقدس مبايعة داعش فى يوم 14 نوفمبر 2014، ونشر فيديو على الإنترنت تضمن لقطات للهجوم الذى حدث على كمين كرم القواديس فى 24 أكتوبر عام 2014.

وأوضح أنه فى مايو 2015 بث تنظيم "ولاية سيناء" التابع لتنظيم داعش تسجيلا مرئيا لأول بيعة مصورة يؤيدها عناصر التنظيم لأبى بكر البغدادى، مشيرا إلى أنه فى يونيو 2015 شن التنظيم أوسع هجوم على الإطلاق ب3 عملات انتحارية استهدفت نادى الضباط فى العريش وكمينى السدرة وأبو رفاعى جنوب مدينة الشيخ زويد، بالإضافة للهجوم على قسم شرطة الشيخ زويد باستخدام "أر بى جى" واستهداف كمائن عديدة للجيش والشرطة بالأسلحة الثقيلة والخفيفة وقذائف الهاون، ولكن قوات الأمن استطاعت السيطرة على الموقف.

وذكر عبد الرحيم على، أنه خلال الهجوم على قسم ثالث الشيخ زويد، تمكن عسكرى واحد أعلى دبابة، وكان معه رشاش من الوقوف أمام الهجوم، ويقول المتهمون: "إنه قتل منا عشرين رجلاً وزاد عن القسم حتى انسحبنا مهزومين، ولم نستطيع أن ندخل القسم بسبب عسكرى واحد من القوات المسلحة".

وأضاف عبد الرحيم على أن "هناك سر خطير لم يكشف من قبل، وهو أن الهدف وقتها ليس قتل الرجال فى الكمائن، ولكن هو أسر 100 جندى من الجيش المصرى ثم إرسالهم لأمير الولاية ليعدمهم ذبحا".

التنظيم المتورط فى محاولة اغتيال السيسى ينقسم إلى خلية الضباط وخلية مكة
وقال الدكتور عبد الرحيم على، إن التنظيم الإرهابى المتورط فى محاولة اغتيال الرئيس عبد الفتاح السيسى ينقسم إلى خلية الضباط وخلية مكة، أما خلية الضباط كانت تستهدف وزارة الداخلية وزرع أكثر من عنصر اعتمادا على الاختراقات التى تمت فى السابق لوزارة الداخلية.

وأضاف أن من قام بتكوين الخلية وقيادتها يدعى محمد السيد الباكوتشى، موضحًا أنه توفى فى حادث سيارة فى أبريل 2014، ثم قاد الخلية طبيب يدعى على إبراهيم حسن محمد، وكانت عيادته فى مدينة نصر، وكان يجعل العيادة وسيارة أحد الضباط مقر للتدريب وإلقاء المحاضرات.

وأشار إلى أن الضابط محمد عويس، كان صديقا للعقيد الشهيد محمد مبروك، وهو من رصد سيارته وأخبرهم بنوع السيارة التى خرج بها، وأخبر الإرهابيين بالسيارة لاستهدافه، موضحا أنهم وجدوا أنه كان مسئول فى المرور عن الحصول على سيارات أمن الدولة وأرقامها وأصحابها وعناوينها، وتم القبض عليه.

وأوضح أن قائد المجموعة مهندس كمبيوتر، ووالده لواء شرطة سابق وأولاد خالته الاثنين كانوا ضباط بجهاز أمن الدولة، وكان يلعب طاولة معهم يوميا بالمساء، مشيرا إلى أن ابن قيادة كبيرة وهو طالب فى كلية طب أشار لهم عنه.

فى عهد مرسى أُرسل للجيش 500 اسم لينضموا له وتم رفض 499 منهم
وذكر عبد الرحيم على "فى عهد الرئيس المعزول محمد مرسى أُرسل إلى القوات المسلحة 500 اسم ليدخلوا الجيش وتم رفض 499 اسم منهم، وعندما ذُكر ذلك، ذهب خيرت الشاطر ومعه الكتاتنى للقاء الفريق عبد الفتاح السيسى وقت أن كان مديرا للمخابرات الحربية، وقال لهم: "لو عاوزين تدخلوا ال500 دول نبعت جواب لحزب الوفد نقوله ابعتلنا 500 والتجمع 500، قالهم انتو تقبلوا بده؟؟ وقالهم معندناش تكتلات فى الجيش، وأى أحد منتمى لأى جهة سياسية لن يدخل القوات المسلحة أو الكلية الحربية"، لافتا إلى أن الطالب الذى دخل تم فصله من الكلية الحربية".

ولفت عبد الرحيم على إلى أن الحارس الشخصى للواء مدحت المنشاوى قائد قوات الأمن المركزى مساعد أول وزير الداخلية للأمن المركزى، المقدم حنفى جمال محمود سليمان كان أحد أعضاء الخلية.

وتابع: "سافر إبراهيم حسن محمد فى شهر ديسمبر 2015 إلى المملكة العربية السعودية لأداء العمرة، تعرف هناك على أحمد عبد العال بيومى الطحاوى قائد خلية السعودية"، مردفا: "اتفق الاثنان على استهداف رئيس الجمهورية وولى عهد المملكة العربية السعودية أثناء أدائهم مناسك العمرة ووضع عبوات ناسفة داخل الحرم المكى وتفجيرها لإرباك أطقم الحراسة المعينة لتأمينهما".

خلية الضباط حاولت اغتيال رئيس الجمهورية أثناء تأمين موكبه
وأوضح عبد الرحيم على أن خلية الضباط حاولت اغتيال رئيس الجمهورية أثناء تأمين موكبه، وأنهم وراء محاولة اغتيال وزير الداخلية السابق محمد إبراهيم واللواء مدحت المنشاوى، مساعد وزير الداخلية للأمن المركزى خلال اجتماعيهما بضباط الأمن المركزى، لافتا إلى أن من أدلى بالاعترافات المقدم كريم محمد حمدى، وهو من بلغ خطة اقتحام رابعة للباكوتشى والذى بلغها لقيادة الإخوان، لذلك أول إصابة كانت اثنين من الضباط، وكل قيادات الإخوان غادروا المكان قبل الاقتحام ب48 ساعة.

وأذاع الدكتور عبد الرحيم على، عضو مجلس النواب، ببرنامج "على هوى مصر" الذى يقدمه الكاتب الصحفى خالد صلاح رئيس مجلس إدارة وتحرير "اليوم السابع"، مكالمة هاتفية بين الإرهابى عادل حبارة، وأبو عمر الدمياطى الذراع اليمنى لأبو بكر البغدادى، زعيم تنظيم "داعش" الإرهابى فى العراق والشام.

وكشفت المكالمة الهاتفية التى تمت فى 2013 بين العنصرين الإرهابيين، رغبة تنظيم "داعش" فى ضم مصر إليه مقابل منح "حبارة" 10 آلاف دولار، كما كشفت مبايعة عادل حبارة وجماعته المهاجرين والأنصار، لأبو بكر البغدادى.

وقال "على" إن هذه الخيوط السامة بدأت فى أغسطس 2013 عقب مذبحة رفح الثانية التى نفذها عادل حبارة، مضيفًا "ومن أغرب الحاجات اللى حصلت معايا أن أنا اتحاكمت علشان عادل حبارة بسبب أن اتكلمت عنه فى حلقة فى برنامجى واستدعيت من قبل النيابة العامة وصرفت من المبنى بوصفى متهمًا بإهانة حبارة".

ونصت المكالمة بين حبارة والدمياطى:

حبارة: السلام عليكم

الدمياطى: عليكم السلام ورحمة الله وبركاته مولانا

حبارة: أيوه يا حبيبى أيوه

الدمياطى: فينك يا مولانا.. أنا كل ما أكلمك تعمل معايا كده والخط يقطع.. كلمتك على الشبكة بردوا مبتردش عليا

حبارة: مش أنا اللى بعمل الشبكة هى اللى بتعمل أعملك إيه.. أخبارك إيه يا حبيبى.. يا عم أنا هفرتكلك كل الشبكات اللى هنا مخصوص علشان خاطرك.. انت أخبارك ايه

الدمياطى: شغال بالtnt وشغال بالتفخيخ وكلوا

حبارة: الله المستعان ربك ييسر الخير والمهم طمنى عليك طمنى عليك

الدمياطى: أنا تمام يا عم الشيخ.. نفسى أتكلم معاك يا عم الشيخ.. مش عارفين نتكلم معاك

حبارة: ربنا يحفظك يا عمورة أقسم بالله واحشنى

الدمياطى: انت أكتر يا عم الشيخ ربنا يباركلك يا رب.. أبو صهيب كان بيكلمنى النهاردة وبيقولى ممكن يجيلنا يقعد أسبوعين هنا يتدرب ومش عارف بس أنا عاوز أتكلم معاك كلمتين الأول

حبارة: اتفضل قول

الدمياطى: دلوقتى الشيخ أبو بكر البغدادى كنت قاعد معاه وكنت قاعد مع الشيخ عمر الشيشانى وهما عاوزين يفتحوا شغل ويدعموا الشباب اللى عندكم

حبارة: "طب يا عم يا ريت أقسم بالله"

الدمياطى: اسمع يا عم الشيخ هو إدانى 10 آلاف دولار وقالى اتوصل مع الشباب وشوف هما عايزين إيه وإيديهم ال10 آلاف دولار دول ويشتغلوا ويورونى مجهودهم ويعملوا فيديو ويبايعوا أبو بكر والدولة الإسلامية وهنبعت لهم الفلوس واللى هما عايزينها.

حبارة: طب يا عم الله المستعان الله المستعان. انت إيه رأيك انت.. بتسمع الأخبار انت؟

الدمياطى: مش سامع الأخبار أنا مش متابع التليفزيون

حبارة: طيب طيب ماشى ماشى الله المستعان.. مش هينفع علشان إيه عايز نتقابل علشان أعرف اتكلم معاك صح.. طيب اسمع انت اسمع طيب انت الناس محتاجين دعم بكل ما أتويت من قوة.. تعرف عملوا إيه فى البلد عندنا فى الشرقية.. راحوا على أخ فضرب عليهم نار قتل اتنين.. سامعنى؟ راحوا على الأخ فطخ عليهم قتل منهم اتنين وقتلوه.. واخد بالك وخدوا أخوه بردوا وضربوا أخوه بالنار.. وصفوا الأخ.. خدوا اتنين كانوا بايتين معاه وضربوا زوجته

الدمياطى: اذبحوهم اذبحوهم يا أبو عائشة.. اذبحوهم يا شيخ دبحوهم واحرقوهم حرق يا شيخ

حبارة: ياخى انت عارف بفضل الله عز وجل.. اللهم لك الحمد والشكر يا رب.. أنا هقولك على خبر رهيب رهيب رهيب بس لما أقعد معاك على النت.. أخوك بفضل الله عز وجل اللى عمله بفضل الله عز وجل بفضل الله

الدمياطى: تمام تمام.. عم الشيخ انت بتبايع أبو بكر ولا لأ

حبارة: أنا أبايع أبو بكر ومستعد كل الأخوة اللى معايا بفضل الله عز وجل

الدمياطى: تبايع دولة الإسلام

حبارة: أيوة أيوة أيوة دولتنا الدولة اللى بناها أبو مصعب الزرقاوى

الدمياطى: اسمع يا عم الحاج.. أنا الأسبوع ده هبعت ليك 10 آلاف دولار يجولك لغاية عندك

حبارة: طيب ماشى ماشى الله المستعان.. اسمع قبل ما تبعت قولى علشان عاوز أديك أسم الأخ تبعتهم عليه

الدمياطى: لا بص أسمع.. اسمع منى أنا هتصل عليك عندك فى سيناء هما موجودين عندك.. هما موجودين علشان هيوصلوا ليك.. هيقلولى وصلى هدهملهم فاهم المقصود ايه

حبارة: طيب ماشى المهم بس أهم حاجة مش عاوزك تربطنى بأى حد فى سيناء

الدمياطى: لا لا لا الناس هنا مظبوطة يا عم الشيخ.. يعنى أخ هيكون معايا هنا يمكن أنت تعرف اسمه أبو عبيده المصرى

حبارة: منين هو منين؟

الدمياطى: أمير محمد عندنا يا شيخ

حبارة: منين؟

الدمياطى: إسكندرانى هو كان مع الشيخ أيمن

حبارة: أيوه.. بس بس هو ده اللى أنا.. لا بص يا عمر.. اسمعنى سامعنى؟

الدمياطى: مالك؟ سامعك

حبارة: أنا شفت اللى عمرى ما شفته فى تاريخ حياتى من سيناء وناس سيناء علشان كده أنا بقولك ما تربطنيش بأى حد من سيناء بس

الدمياطى: متخفش الجيش واقع وهبعتلك الفلوس

حبارة: الله المستعان اسمع يعنى المهم أنت عندك طريقة توصلهملى لحد هنا

الدمياطى: أه عندى أخد هيوصلهم ليك

حبارة: هيوصلهملى لحد هنا

الدمياطى: أه.. لو أحمد يعرف يجينى هنا هبعتهوملك مع أحمد أبو صهيب

حبارة: لا لا لا خلى بالك علشان أبو صهيب.. أنت عارف الوضع.. بلاش بردوا تدخل أبو صهيب فى الخط..

الدمياطى: ليه.. إيش فيه عنده

حبارة: "بلاش تدخل أبو صهيب فى الخط علشان أبو صهيب.. طبعا انت عارف كل واحد بيحن لبلده.. ما هو إيه هيقعد يتكلم ويقولك مش عارف إيه وإحنا عندنا أولى وإحنا عندنا مش عارف إيه.. القصص اللى انت عارفها دى.. إحنا متفرتكين.. بص بص بص أنا هقولك على حاجة.. اسمعنى والله الذى لا اله غيره.. اقسم باللى رفع السماء بلا عمد أنا لسه شارى ب1500 جنيه ذخيرة مكملتش 3 أيام أو أربعة أيام.. يمكن مش عاوز أقولك يعنى أبو صهيب مدفعش فيهم جنيه واحد فالشاهد فى الكلام محدش ينفع حد.. إحنا هنا فى الساحة عندنا هنا بنموت.. ربنا وحده اللى عالم بينا.

الدمياطى: طيب اسمع منى طيب.. ينفع فى حد يعرف يجينى هنا

حبارة: ممممم.. فى حد يعرف يجيلك عندك الله المستعان.. انت عارف المشكلة فى الجوازات

الدمياطى: واحد نضيف بجواز ليبى.. يا شيخ جواز ليبى جواز ليبى

حبارة: هى دى المشكلة أن مفيش حد عنده الإمكانية.. طيب اسمع انت مينفعش تبعتهم على واحد

الدمياطى: أنا أقدر أبعتهملك يا شيخ

حبارة: ابعتهم على مرتين أو تلاتة.. كل واحد مختلف.. انت فاهمنى

الدمياطى: أنا هبعتلك خمسة ولو وصلوا هبتعلك الخمسة التانيين

حبارة: ممتاز.. فوق الممتاز.. ماشى؟

الدمياطى: طب أقوله إيه عشان نطمن.

حبارة: انت هتبعتهم إزاى؟ هبعتهم فى حواله؟

الدمياطى: لا لا مو حواله فيه أخ هنا هيستلم منى وهيسلمهم هناك.. انت اتصل عليه تقوله بالاستلام هيديلوا الفلوس ويمشى

حبارة: طب خلاص ماشى أنا هجبلك اسم الأخ دلوقتى ورقم تليفونه تتواصل معاه توصله الفلوس وأنا هتصل عليك فهمنى أنا هتصل عليه وهقوله لو وصلك كذا كذا كذا رن عليا.. إيه رأيك؟

الدمياطى: الله المستعان

حبارة: خلاص ماشى الله المستعان.. ماشى أنا هكلمه

الدمياطى: أبو عائشة

حبارة أيوة يا حبيبى أيوة

الدمياطى: عاوزك يا أبو عائشة تطول رقبتى وعاوزك تعمل فيديو وتبعتهولنا

حبارة: "بص بص أنا اقسم بالله العظيم أنا لو هضحى بنفسى مخصوص.. أول حاجة إحنا بنتعامل مع الله عز وجل ورقم اتنين لو كنت انت عاهدت على أبو عائشة الكذب فمفيش مشكلة تتعامل معاه من البداية أفضل".

الدمياطى: "اسمع منى أنا عاوزك تعمل فيديو وتنشره على الإنترنت وتبعتلى الرابط بتاعه وتقول إيه.. تقول إحنا دولة الإسلام فى العراق والشام ونبايع أبو بكر البغدادى على دولة الإسلام.

حبارة: تمام تمام ممتاز ممتاز.

الدمياطى: اسأل الشباب بتاعك وظبط حالك وهبعتلك اللى انت عاوزه

حبارة: ماشى يا حبيبى توكل على الله.. الله المستعان.. نسأل الله العظيم رب العرش العظيم أن ييسر لنا أمورنا اللهم أمين يا رب العالمين

الدمياطى: اللهم أمين.. اللهم يسرلك أمرك

حبارة: والله أن شاء الله بإذن الله يا عموره شكلك كده أن شاء الله هخليك تنزل وتقعد معايا بإذن الله عز وجل ربك ييسر

الدمياطى: خلاص يا عم بقيت مطلوب دوليا هيمسكونى.. ولو رحت تركيا هيمسكونى

حبارة: ههههههه واحشنى يا ابن اللذين اقسم بالله

الدمياطى: الحمد لله ربنا تاب عليا ومن عليا بمجلس شورى الدعوة يا عم الشيخ

حبارة: أسأل الله العظيم رب العرش العظيم أن يحفظك بحفظه اللهم أمين يا رب العالمين.. ياما اتمنيت أن أنا أجيلك ومعرفتش بس على العموم ربنا فتحها عندنا أهو الحمد لله ربك ييسر الحال.. أنا هجيب نت.

الدمياطى: "أنا ممكن أبعتلك جواز من عندنا هنا أظبطلك أصبر يا أبو عائشة أصبر ممكن أبعتلك جواز سفر متقلقش"

حبارة: "يا ريت أقسم بالله"

الدمياطى: عاوز الشغل يشتغل عندكم

حبارة: أهم حاجة متربطنيش بخط أبو صهيب.. خلى أبو صهيب مع نفسه وأنا مع نفسى علشان أنا أدرى بالوضع.. ماشى يا حبيبى يعنى خلى خطى بينك وبينى لا يعلمه إلا الله عز وجل.. ماشى؟

الدمياطى: "أصلى أنا اتكلمت معاه النهاردة وقالى أنا كنت مع أبو عائشة وكنا شغالين و25 عسكرى مش عارف إيه!"

حبارة: بس بس بس هههه أنا بقولك متشغلنيش معاه علشان هو أصلا فضيحة فضحية.

الدمياطى: المهم أنت معاك أسلحتك وشبابك وأمورك متنظمة.

حبارة: بإذن الله موجود موجود موجود بإذن الله عز وجل.

الدمياطى: أنا مش عاوز منك إلا بس حاجة.. تعلن دولة الإسلام على فيديو ووراك الراية السوداء وتكتب عليها دولة الإسلام فى العراق والشام.. ونحن من داخل أرض الكنانة نعلن مبايعتنا لأبو بكر البغدادى.

حبارة: "أن شاء الله عز وجل.. اسمع.. أن شاء الله جماعة المهاجرين والأنصار تعلن مبايعتها لأبو بكر أمير دولة العراق الإسلامية فى العراق والشام.. ماشى؟

الدمياطى: جماعة المهاجرين والأنصار فين فين؟ فى أرض الكنانة

حبارة: أه فى أرض الكنانة

الدمياطى: الكتيبة بتاعتى اسمها جيش المهاجرين والأنصار

حبارة: ماشى ما أنا هعمل جيش المهاجرين والأنصار باذن الله عز وجل

الدمياطى: هتكتب إيه؟

حبارة: أنا عارف أنا هكتب إيه وهظبطلك الدنيا.. أنا هظبطك أنا هههههه ربك ييسر الخير أن شاء الله عز وجل بس الدعاء الدعاء.. بص أنا عندى فكرة حلوة.. أنا هرفع الفيديو وأكلمك تاخده أنت تظبطه وبعدين ترفعه أنت من عندك.. إيه رأيك؟ علشان أنا معنديش الأخ اللى أنا معتمد عليهم أو المهندسين اللى معتمد عليهم وبيفهموا فى الكمبيوتر علشان كلهم مسافرين.. ماشى.

الدمياطى: طيب ماشى هتبعتهولى إزاى؟ ابعت الفيديو على الصفحة بتاعتك مش أنا بعتلك عليها الفيلم

حبارة: انت عملت أعجبنى على الفريضة الغائبة

الدمياطى: معرفش والله أنا بعتلك رسالة خاصة قلتلك يا عادل لو انت معاك عمرو الدمياطى.. عايزك للضرورة ضرورة ضرورة

حبارة: الفريضة الغائبة بقولك على الفريضة الغائبة

الدمياطى: الفريضة الغائبة يا عم الشيخ

حبارة: ميه الميه دخلت عليها أنت لقيت الصفحة صورة الصفحة اللى هو الملياردير المجاهد.

الدمياطى: أه صورة الشيخ

حبارة: صورة الشيخ أسامة

الدمياطى: أيوه لأن كلهم جروبات يا شيخ

حبارة: بس ميه ميه هى دى تمام تمام تمام طيب أن شاء الله عز وجل النهارده هسعى جاهدا أن أنا أجيب نت وإن أنا أحاول أتواصل معاك.

الدمياطى: افتح النت ولما تلاقى الصورة بتاعتى هتعرف

حبارة: ميه الميه أنا هحاول أظبط الأمور وابعتلك الفيديو على طول

وفى نفس السياق قال الدكتور عبد الرحيم على، عضو مجلس النواب، أن العناصر الإرهابية التى خططت لاغتيال الرئيس عبد الفتاح السيسى فى مكة أثناء أداء العمرة بعد نجاحه بالانتخابية الرئاسية، خططت أيضًا لاستهداف الأمير محمد بن نايف، ولى العهد السعودى، لأنه المسئول عن ملف مواجهة داعش والقاعدة وكافة الجماعات الإرهابية، وأبلى بلاء حسنا فى حماية الأمن القومى السعودى.

وأشاد عبد الرحيم على بالأجهزة الأمنية المصرية لاستطاعتها اختراق المخططات الإرهابية التى تستهدف الدولة المصرية كمخطط اغتيال الرئيس عبد الفتاح السيسى خارج البلاد، مضيفا: "والدكتور على إبراهيم حسن سافر لأداء العمرة وجند الأخ أحمد بيومى الطحاوى وسلمه لسعيد عبد الحفاظ، وطلب من أحمد بيومى الطحاوى اللى بيعمل فى فندق سويس أوتيل اللى مطلب على الحرم مباشرة، اللى اقترح أنه يعملوا حاجتين إما محاولة اغتيال الرئيس فى مكة المكرمة، وراح جاب مجموعة من المواد اللى بتستخدم فى التفجيرات وخزنها فى الدور ال 34 ومراته اقترحت أنه لو منفعتش المحاولة، أكيد الرئيس كان هيجى عمره تانية".

وتابع: "الزوجة قررت تلف نفسها بمتفجرات وتخش جوه بيت الله الحرام، والهدف منها تترمى المتفجرات والأمن ينشغل وتحصل دربكة جوه الحرم حول الكعبة فمسلحين يصطادوا الرئيس ويقتلوه جوه الحرم".

واستكمل: "اللى خلاهم أحجموا عن الفكرة فى اللحظة الأخيرة، كمية احراسة المشددة اللى لقيوها وأجهزة الكشف عن المفرقعات بالمسجد الحرام"، مشيرا إلى أن اعترافات الإرهابيين فى القضية أكدت استهداف مهبط طائرات العائلة الحاكمة فى السعودية بمكة، وطريقة استهدافهم له ومكان المتفجرات التى كانت ستستخدم فى هذا الأمر.

وأشار إلى أن هناك عنصرين تم القبض عليها داخل السعودية متهمين بمحاولة الاشتراك فى هذا العمل الإرهابى الكبير، وهم محل التحقيقات الآن لدى السلطات بالمملكة.