خطوة حلوة وشىء جميل لمَّا تلغى نظام كفيل لمَّا ضيفك يبقى آمن مش مهدد أوذليل أيوا عامل بس حر لى كرامة فى كل جيل مش مقيد زى عبد إمتى يصحى أو يميل جاى بلادك فيها أزرع أبنى أصنع أو زميل ليه عرقنا يروح لغيرنا؟ والأجور بخس وقليل لوقلت عايز فين حقوقى يقوللى امشى هجيب بديل نفسى أرجع أشوف ولادى بدون موافقة مافيه سبيل لمَّا أطلب أنهى عقدى يقوللى دا شىء مستحيل أنت يا ابنى تحت أمرى روح تعالى اغسل وشيل زى عبد فى قرن أوسط تحت سيده بقيد غليل لمَّا يغضب منى مرَّة يكتب مغادرة أو رحيل جات كويت عملت مبادرة حق عامل شىء أصيل بحرين كويت شكرا ً جزيلا ً ياريت جميع يصبح مثيل يرعى حق الضيف فى غربة ويلغى كل نظام كفيل