ويا محلى وصاله من بعد المغيب ولا أجمل من أيامه ولا أحلى من لياليه جانا اللى مايوفيه ولا ألف غنوة ترحيب جانا وجاب وياه حب وخير وسلام وياما معاه بيجيب رحمة وغفران وصيام وتلاوة للقرآن وقيام ورب سميع مجيب بينادى ياعبادي هل من داعٍ فأجيب جانا شهر الصوم اللى فى عطشه للقلوب ترطيب واللى فى جوعه نلاقى مالجنة نصيب والريان يستنانا لاجل ماندخل وحياتنا تطيب جانا الحبيب اللى نهاره أصفى ماللبن الحليب واللى ليله أعطر من روايح الطيب جانا وجاب وياه هداياه واللى مايقبلها يخيب اقبلها إن كنت فى شبابك أو كنت فى المشيب تغنم راحة بالك وتنول رضا الحسيب بصيامك وبصلاتك تحسب أواب ومنيب ويحق لك تفرح وكمان تغني وانت سعيد متهنى جانا الحبيب ويامحلى وصاله من بعد المغيب