"النور مكانه فى القلوب" هذا ما أثبته وأمن به سمير جابر وزوجته هبة الكفيفين الذين يعملون معاً فى صناعة منتجات مختلفة من البامبو مثل "السبت "و"صناديق"بمنتهى الدقة والروعة بورشتهم الصغيرة داخل شقتهم البسيطة بعزبة خير الله . وتتحدث هبة عن بداية عملهم فى هذا المجال فتقول :" إحنا بقالنا 16 سنة متجوزين وعندنا توأم ولد وبنت وأول ما خلفنا فكرنا فى ازاى نزود دخلنا فعملنا فكرنا نعمل منتجات من البامبو وابتدينا نعمل أول سبتين فى ورشة فى المطرية لكن كانت بتكلفنا مصاريف شحن فكرنا نعمل شغلنا عندنا فعملنا ورشة فى شقتنا وابتدينا نعمل شغل خاص لينا " وأشارت هبة إلى الطريقة التى تسوق بها منتجاتها هى وزوجها فتقول :"الزبون بيجى عن طريق التليفون أو تسويق على الإنترنت على صفحتنا على موقع "الفيس بوك"عملتها لنا ست عجبها شغلنا فحبت تسوقه" ويتحدث سمير عن بداية تصميمه للمنتجات قائلاً:"كان نفسى أعمل "سبت للبلكونة" عملت نموذج على قدى وكان مفيش حد معايا بعد ربنا ولا أعرف حد فى ورشة عشان أطلب منه يقطع لى فعملت سبت بلكونة " وأضاف :"أخويا شاف شغلى قالى انت أثبت ان مفيش حاجة مستحيلة وأنا هساعدك فبدأت استعين به فى عمل المقاسات واختيار الألوان وكان أول شغل يدوى هو سبت بألوان علم مصر " وعن أمنيته هو زوجته يقول:"نفسى الدولة تسمعنى ونفسى فى شقة أستقر فيها لأن دى ثالث شقة أنقل فيها السنة دى لدرجة إنى بعت معدات بشتغل بيها عشان أسدد ثمن الخلو وبشتغل دلوقتى بعدة بالتقسيط وسديت منها جزء وفاضل جزء ونفسى أقابل سيادة الرئيس عشان أمنيتى أعمل مركز للمعاقين بعزبة خير الله لأن المعاقين نسبتهم كبيرة أوى هنا " أما هبة فتقول:" نفسى نشترى ماكينة ورق شجر الموز وميكونش عليا ديون لحد "
