فى استجابة لخدمة انقد مسلسل ينشر "اليوم السابع" رأى القارئة نهى بهمن حول مسلسل "تحت السيطرة"، وهو كالتالى "مشكلتى مع تحت السيطرة مش فى عرض معاناة المدمنين وتجربتهم والظروف اللى بيمروا بيها وتفاصيلها، وتسليط الضوء عليهم مش جديد والمجتمع، أكيد فى مدمنين ولازم نتكلم عن معاناتهم.. لكن هتفضل المشكلة إن العرض كان بطريقة خلت الشباب تتوحد مع الأبطال وتتعاطف معاهم زى قصة على وهانيا اللى بقوا نموذج للعلاقات اللى بيدوروا عليها، مع الوقت تفاصيل حياة المدمن بتترسخ فى الذهن وبتبقى جزء من العقل الباطن، وبالتدريج مش هيبقى فى استغراب أو نفور منها ومن النمط ده وعدم استحسانه". واستكملت نهى: "التوحد مع القصة وأبطالها وحتى لو اتطورت وبقت النهاية مأساوية هيخلى المشاهد وخصوصا من الشباب غير قادر على التخلى عن تعاطفه مع الأبطال، بالضبط زى ما حصل فى مسلسل العشق الممنوع برغم إننا بعقلنا شايفين إن العلاقة كانت غلط إلا إننا توحدنا مع أبطال المسلسل بشكل تام وتعاطفنا معاهم، وحبينا قصتهم وهتفضل دى طريقة السم فى العسل".. رأى القارى ينم عن وجهة نظرة ولا يعبر عن رأى "اليوم السابع".