فى توبك الكستور بخور بيرقينى من المشاوير ومن أمشير ومن طوبة ... تدفينى بأيد تغلينى فى حضنك وأكون ابنك وأكون عرقان وأكون إنسان وأكون هيمان على حِجرك ...... تهزينى تهز الدنيا خلخالها وتنسى الدنيا أحوالها وأنا نعسان على حِجرك ....... أنا واعي على رجليا ودراعى وغنيوة فى أسماعى بصوت مبحوح بيحينى بحلاوة روح وأروح فى النوم على حِجرك ....... على طبلية الصالة إيديكى الوصلة وصالة بفص البرتقان والموز اكيد محظوظ وأنا قاعد على حِجرك ............... ابوس رجلك ما تمشيشي ودايما اقطفى ريشي عشان أفضل على حِجرك