واقفة وحوالية بنات كتيرة مستنية ييجى عليها الدور وعلشان نصيبهم غاب شوية كانوا فاكرين إنه هيبقى الرضا من زمن مغرور، واقفة وحوالية حكايات كتيرة وكام قلب حزين وبنات بتنده على حظها وكأنه بينه وبينها جبل من الحديد والطين وعيون صاحية من الخوف مش نايمين وقلوب على باب الفرح مستنية، واقفة وحوالية بنات كتيرة وكل بنت شايفة نفسها أميرة وكل يوم، والقطر كل يوم بيفوت ويوم بعد يوم الفرح بيموت وطابورى كان طابور كان اسمه طابور الحسن والجمال فى زمن مفيهوش ولاد حلال وقول يا زمان كل اللى كان ممكن يتقال ما إحنا بقينا فى زمن الناس الشمال والحب كان مجرد كلام وبقينا فى زمن مفيهوش احترام وأى كلمة حب دى مجرد كلام وسوق الحلوين جبر وادلعوا الوحشين واللى اتمسكوا بمبادئهم فى البيت قاعدين والجمال مش فى الشكل الجمال فى كمال