ع المنبر واقف ومطلع سيفه شايف قدامه الأعداء قاعدين ومسلمين خايفين ونعسانين ساكتين ومطنشين م الخوف مرعوبين سيفه عمال بيشاور للنار ليه واقفه بعيد تعالى أحضرينا دول زوارك أكيد كلها يوم والثاني ويجولك ف الحديد مفيش فيهم رجا ولاحتى ف جيل جديد تصرخ النار وتبكى فى قلب هناك مرعوب يضحك على نص كلامها الرعب دا شيء مطلوب يمكن بفضله يرجع لعقله كده ويتوب القلب يشوف النار حواليه من كل مكان يجرى بنبضه ويهرب لعالم مفهوش سيوف مفهوش غير الألم ودموع بطفى النار سيف الظلام يعود ويعلى لفوق لفوق وينزل ع الجراح القلب يحترق ويقول كفايه سماح السيف عمال بيعلي وينزل على أى نور شافه بالقلب بيحلم بعفو ورحمه ونجاه السيف عمال يخرب والقلب يقول الله عفوك ربى أنقذني من سيف هذا الشيطان تسود الدنيا فجأه ويقع القلب ويتوه مش عارف هوا فين الموت عمال يقرب مفاضلشى غير دقتين القاعدين قاموا أنتفضو حرام يا مسلمين عايزين دكتور بسرعه القلب دا مسكين
