"فيها حاجة حلوة".. من خلال عدسات كاميراتهما يحاول "خالد" و"حسام"، أن يؤكدا هذه المقولة بالتقاط صور لأجمل الأماكن التى تحتضنها محافظات مصر المختلفة، وعرضها على جروب "فوتون" الذى يعود تاريخ ميلاده لعام مضى، حين قرر الشابان أن يتخليا عن شهادات تخرجهما ويتفرغا لحب التصوير ونشر ثقافة التقاط الصورة فى شوارع المحروسة. يروى "حسام المناديلى" مهندس الكمبيوتر سابقاً والمصور الفوتوغرافى حالياً، كيف بدأت الفكرة: "تخرجت من "كمبيوتر ساينس" واشتغلت فى مجالى فترة قبل ما أقرر أرجع لحبى القديم "التصوير"، وفعلاً اشتغلت مصور فى بيت الرصيف، وهناك اتعرفت على شريكى "حازم خالد"، واكتشفت أن هو كمان كان خريج كلية آثار قسم ترميم ووصله حبه للتصوير لنفس المكان وفكرنا نعمل"فوتون". الهدف من "فوتون" كما يشرح "حسام": "مصر فيها أماكن كتير جميلة بنحاول أننا نوريها للناس اللى مش بتسافر أو بتخرج كتير من خلال الصور، ومن الأماكن اللى صورناها جوه القاهرة المساجد الأثرية الجميلة زى أحمد بن طولون والسلطان حسن وصورنا القلعة وشارع الصليبة ومجمع الأديان، أما خارج القاهرة فسافرنا الأقصر وأسوان والإسكندرية والواحات والفيوم والغردقة". فى كل رحلة من رحلات التصوير يكون هناك كثير من الشباب الذين يتشاركون مع حازم وحسام فى عشق التصوير، فيقولا عنهم: "بنعلمهم تقنيات التصوير بشكل عملى، وبيدفعوا بس مصاريف سفرهم، والورش اللى بتبقى جوه القاهرة مبتكلفهمش حاجة خالص". يقوم الثنائى برحلة تصوير إلى مكان مختلف كل أسبوع داخل القاهرة، ويسافران خارجها مرة كل شهرين، وهناك هدف آخر لهما: "عايزين ننشر ثقافة التقاط الصورة بين الناس اللى ممكن يخلوا سائح يصور عادى بس لو مصور مصرى يرفضوا يصورهم".
