غير أمين. . من صحايف وسجل المصريين. واللى زرعوا فى قلب مصر ألف عين.. يكشفوا أسرارها للناس أجمعين. واللى انتماؤه لبلاده. . كلمة فى شهادة ميلاده امحوا اسم كل خاين غير أمين ********** امحوا اسم كل من باع التراب. . وسلمه للأعادى والأغراب. واللى بيسعى فى بلاده للخراب. . وطار بشره بالأمانى ورا سراب. للغريب كان انتماؤه. . للعدو قدم ولاؤه هو دا عدو لبلاده فى كل حين امحوا اسم كل خاين غير أمين. ********** امحوا اسم كل من يقيدها نار.. والفتن كانت وسيلته للدمار. ولأن مصر للعرب شمس النهار.. هى هدف لكل معتد جبار. حلمه بلحظة انتصاره. . وحدتنا قوة لانكساره نبقى يد من حديد ولا يوم تلين امحوا اسم كل خاين غير أمين ********** سجل مصر زاهى على مر الزمان. . واللى يمسه فى يوم بشر مالوش مكان. كل اسم فيه بحق له كيان. . الاسم بحروف من دهب ونور كمان. نجمه فوق دايما يلالى. . اسمه باقى فى العلالى بإنجازاته لجل مصر مدى السنين امحوا اسم كل خاين غير أمين ********** اكتبوا اسم اللى يصنع شىء مفيد. . واللى يصبح لبلاده أمل جديد. واللى يحيى فى مصر تاريخها المجيد. . واللى يوهب عمره لبلاده شهيد. وإللى ليها يوم أساءوا. . ربى شاء مهما يشاءوا مصر آمنة بولادها ليوم الدين امحوا اسم كل خاين غير أمين